Yilakej ya mu Bibil yikutwisha kukukwash:

• Dis 24:1-4, 7​—Ipal Aburaham wakwata mupak wa kumwatin mwanend Izak mband wading umusadidina Yehova, kadap mwin Kanan wifukwilang anzamb akwau

• Dis 28:1-4​—Izak wamutuma mwa end Yakob kuya kwat mband wading umwifukwidina Yehova, kadap mwin Kanan

Yilakej ya mu Bibil yikutwisha kukukwash:

• 1At 11:1-6, 9-11​—Yehova wamujimena Mwant Salomon paduulay dibabesh dend da kulik kuyat amband aeny ni mulong wayilika ayipish muchim wend

• Neh 13:23-27​—Nyikel Nehemiy wimburija kutentam kwa Yehova, wayipupa antu apumbuka ni kwat amband akad kwitiyij a mu jingand kushalijan

Yilakej ya mu Bibil yikutwisha kukukwash:

• 1Sa 25:2, 3, 14-17​—Nabal wading mpich pakwez wading ni muchim uyimp ni kusaalan masaal, chawiy chasala anch ikal ikundj muyimp kud Abigayil

• Jsw 21:9​—Kutond muntu watena nend wakad kufanyin kukutwish kwatwikadish in runeng ni akad chisambu

• Rom 7:2​—Kambuy Paul walonda anch ang mband amwat wikal kal mwinshin mwa umutakel wa nfumwend wakad kuwanyin; chawiy lel mband mwin manangu ubabeling kurutu kwa kumwitiyij ikundj ukumwata

Yilakej ya mu Bibil yikutwisha kukukwash:

• Jsw 24:27​—Kurutu ikundj atana ni pamwingap avala an ufanyidin kusal mudimu nakash chakwel atwish kudish dijuku

Yilakej ya mu Bibil yikutwisha kukukwash:

• Rut 2:4-7, 10-12​—Boaz wamwijika Rut nawamp kusutin kushinshikin mudimu wend ni kutesh rusangu rakin piur pa yaku yend, mutapu wasadinangay dijuku dend ni mwikadin wend wa mu spiritu

• Rut 2:8, 9, 20​—Rut watesha rusangu ra Boaz kusutin ku kushinshikin kuwap kwend, kupan kwend ni mulong wading umukatin Yehova

Yilakej ya mu Bibil yikutwisha kukukwash:

• Jsw 5:18, 19​—Yisalijok yimwing ya kukwatijan ku mujimbu yimekeshina rukat yid ching ya antu atijadina

• Mum 1:2; 2:6​—Pa chisu cha kutondijan, nsand kafung ni changadim wa ku Shunem ambambang mambamb mawamp piur pa kwileng kadap mambamb mayimp ma usund

• Mum 4:12; 8:8-10​—Changadim wa ku Shunem wading mujik ni wilamang; ud mud chir chichidijinau

Yilakej ya mu Bibil yikutwisha kukukwash:

• Dis 21:8-12​—Yehova wamuleja Aburaham amutesha mukajend Sara ap anch yitongijok yend yamusangareshap

• Jsw 31:10, 11, 16, 28​—Ikundj mwin manangu ukwat mband chifuvu mud mwisambidinau mu maverse minam, kakatap kushinshikin kurumbuk kwa mukajend; pakwez ukat kumuchingejin ni ukat kumubaz

• Ef. 5:33​—Mazu mapepidinau ma Kambuy Paul malejen anch mband ukweting kuswir kwa kutesh anch nfumwend umukatin

Yilakej ya mu Bibil yikutwisha kukukwash:

• Jsw 1:8; 1Ko 7:4​—Mu uruw ni mu dijuku mband ni maku ukwet chilik cha ulabu wamwinkishau kud Nzamb

• 1Ko 11:3​—Kambuy Paul warumburila anch mu ditenchik da Yehova etu awonsu tukwet ulabu kanang, ching kusu Yehova uda Nzamb Mwin Dikand Dawonsu

• Heb 13:7, 17​—Mu chikumangen, amakundj nau amband afanyidin kuyiziyin antu atondau mulong wa kutakel

Yilakej ya mu Bibil yikutwisha kukukwash:

• Dis 18:12; 1Pi 3:5, 6​—Sara wamulimisha nakash nfumwend, wamumana anch ud “nsalejend,” ap muntu wa mu spiritu mu manangu

Yilakej ya mu Bibil yikutwisha kukukwash:

• Dis 24:62-67​—Rebeka wamukwasha nfumwend Izak atana rongoj kupwa kwa rufu ra makwend

• 1Sa 25:14-24, 32-38​—Abigayil wamuchidija nfumwend chisup ni wapandisha dijuku dend kusutin ku kwilemb kwend ni kwitudish kud David

• Est 4:6-17; 5:1-8; 7:1-6; 8:3-6​—Mwant mwad Ester wakimba kufa tupamp twaad payay pakad kumutazuk kud nfumwend mulong wa kuyilondin antu a Nzamb