Rusangu ruwamp rikezau antu kushakam chikupu pa divu arifundin mu Bibil. (Kuseng 37:29) Bibil ukwet ma buku makemp-makemp 66. Nzamb wasadina antu ashinshamena piswimp 40 awiy amafunda ma buku minam. Mikand yitan ya kusambish ayifunda kudi Moses pasutil kal mivu 3 500. Chikunku cha nsudiel achifunda kudi kambuy Yohan pasutil kal mivu 1 900. Ov, yitongijok yafundau mu Bibil yidi ya nany? Nzamb ndiy watakela yitongijok yafundau mu Bibil kusutil ku spiritu wend utumbila. (2 Samwel 23:2) Awiy afunda yitongijok ya Nzamb, kafundap yitongijok yau bwat. Chawiy lel, Yehova ndiy Sakatang wa Bibil.​—Tang 2 Timote 3:16; 2 Pita 1:20, 21.

Tal video ulondina anch Bibil Udiokil Kudi Nany?

Twij anch Bibil udiokil kudi Nzamb mulong utulejin kachom pa kachom mu uyakin piur pa yom ya kurutu. Kwikil muntu ukutwisha kusal mwamu. (Joshua 23:14) Ching kusu Mwin Dikand Diawonsu Nzamb ndiy ukutwish kuyilej antu rusangu ra mu machuku ma kurutu.​—Tang Isay 42:9; 46:10.

Tukutwish twamuman buku winou udiokila kudi Nzamb mudi buku wa pakampwil. Apalangegining ma kopi ma Bibil mabiliyon ni mabiliyon mu jindim yitot ni yitot. Ap anch udi wa pasak, Bibil wambaten nich uman wa siyans. Chikwau kand, antu 40 afunda yitongijok yau yishalijadinap nich yitongijok ya muntu umwing ni mukwau. * Pakwez, Bibil ukwet chitongijok chikash cha ngikadil ya rukat ya Nzamb, ni ukwet usu wa kukarumun mwom wa antu chak wel uwapa. Uyakin winou uyikasikeshin ma miliyon ma antu chakwel itiyija anch Bibil udi Dizu dia Nzamb.​—Tang 1 Tesalonik 2:13.

Tal video ulondina anch Mutapu ik Tukutwisha Kwikal ni Kashinsh anch Bibil Udiokil Kudi Nzamb

Bibil wimedin pa rusangu ruwamp anch Nzamb ukwet rutong ra rukat piur pa antu. Mifund yilejen mutapu antu akwet chisend cha kushakam mu paradis panap pa divu diashadishau pasak kudi antu akusambish mu rusangu ra antu ni mutapu paradis ukez kumutenchik. ​—Tang Kujingunik 21:4, 5.

Dizu dia Nzamb dikwet kand yijil, mbil, ni yiyul. Chikwau, Bibil wisambidin kand rusangu ra antu a Nzamb piur pa yom yasalau—rusangu riner rimekeshin untu wa Nzamb. Chawiy, Bibil ukutwish kukukwash kumwijik Nzamb. Urumburil mutapu ukutwisha kwikal murund nend.​—Tang Kuseng 19:7, 11; Jakobu 2:23; 4:8.

Broshir winou ukez kukukwash kutesh Bibil kusutil ku kusadil mulad wa mutapu umwing wasadilay Yesu. Ndiy wisambinanga pa mufund umwing ni ukwau wa mu Bibil ni ‘warumburilanga Mifund yiney.’​— Tang Luka 24:27, 45.

Mu yom yikemp mudi yiney yamushena mudi rusangu ruwamp ridiokila kudi Nzamb. Chawiy, antu amwing aridiwiling, ni akwau arikisining. Pakwez, kangal waziy. Ruchingej rey ra kwikal ni mwom wa chikupu rimedin pa kumwijik Nzamb.​— Tang Yohan 17:3.