DILEJAN DIA 14
Mutapu ik Tukutwisha Kumwifukwil Nzamb mu Mutapu Umusangareshina?
Mud mutapu twamanang mu dilejan diasutang ed, kidiap marelijon mawonsu makata kumusangaresh Nzamb. Pakwez tukutwish kumwifukwil Sakatang wetu mu mutapu umusangareshina. ‘Difukwil [ap, relijon]’ ik umusangareshina? (Jakobu 1:27) Shinshikin yom yifundishinay Bibil.
1. Difukwil dietu difanyidin kwimen pa chom ik?
Difukwil dietu difanyidin kwimen pa Bibil. Yesu wamuleja Nzamb anch: “Dizu diey diawiy uyakin.” (Yohan 17:17) Marelijon mamwing makat kudiul uyakin udia mu Dizu diapepilau dia Nzamb, Bibil. Akat kuswinkesh uyakin winou nich mafundish ni yishankur ya antu. Pakwez Yehova kakatap kuyisanger antu akata “kudjibul yijil ya Nzamb.” (Tang Marko 7:9.) Ku mutambu ukwau, tukat kusangaresh muchim wend anch twalamat ku Bibil ni anch twasadin yiyul yend.
2. Mutapu ik tufanyidina kumwifukwil Yehova?
Mulong ud Sakatang wetu, Yehova utwitin anch tulamata kud ndiy. (Kujingunik 4:11) Charumburik anch tufanyidin kumukat ni kumwifukwil ching ndiy, pakad kusadin atupwany, yifatul, ap yirumbidij mulong wa kumwifukwil.—Tang Isay 42:8.
Difukwil dietu difanyidin kwikal ‘ditumbila ni ditiyinau’ kud Yehova. (Rom 12:1) Chinech chirumburikin anch tufanyidin kushakam kukwatijan ni mbil jend ja piur. Chilakej, antu amukatina Yehova akatin ni akat kuziyin mbil jend piur pa uruw. Ni akat kwipuk kand yisal yiyimp mud kuna ruwand, kuleu maar, ni kusadin nayimp yom yilewishena (madrog). a
3. Mulong wak tufanyindin kumwifukwil Yehova pamwing nau ambay netu in Kristu?
Yikumangan yetu tukata kusal rubing ni rubing yikat kutwinkish mutapu wa ‘kumushiman Yehova . . . mu chikumangen.’ (Kuseng 111:1, 2) Mutapu umwing tukata kusal mwamu ud kusutil kumuwangil Nzamb miminy ya kumushiman nich. (Tang Kuseng 104:33.) Yehova utwitin kukumangan mulong utukatin ni wij anch yikumangan yikutukwash kusanger mwom chikupu. Anch twakumangan pamwing mulong wa kukasikeshijan, tukat kand kutaninamu ayinetu.
ILEJA CHIKURIKINA
Shinshikin mulong wak Yehova kakatinap anch tusadin yifatul pitumwifukwidina. Ileja kand mitapu ya usey tukutwisha kusadin mulong wa kumushiman Nzamb.
4. Tufanyidinap kusadin yifatul mulong wa kumwifukwil Nzamb
Mutapu ik twija anch kusal mwamu kumusangareshinap Nzamb? Talany VIDEO, kupwa isambinany chipul chidia kwinshin oku:
-
Yom ik yashikena chisu chapakishau antu a Nzamb amwing a pasak kumwifukwil kusutil kapwany?
Antu amwing akat kusadin yifatul mulong wa kumwifukwil Nzamb chakwel iyov anch ad nend piswimp. Pakwez, ov, akutwish chakin kamu kumusejin anch asal mwamu? Tang Kubudik 20:4-6 ni Kuseng 106:35, 36, kupwa isambinany yipul ey:
-
Yom ik ap yifatul ik wamenap kal antu akat kuyisadin mu relijon wau mulong wa kumwifukwil Nzamb?
-
Mutapu ik ukatay Yehova kwiyov piur pa kusadin yifatul mulong wa kumwifukwil?
-
Mutapu ik utongina ey piur pa kusadin yifatul mulong wa kumwifukwil Nzamb?
5. Kumwifukwil ching Yehova kukat kutukwol ku yitiyij ya makasu
Tal mutapu kumwifukwil Yehova mu mutapu witiyinay kukata kutukwol ku yitiyij ya makasu. Talany VIDEO.
Tang Kuseng 91:14, kupwa isambinany chipul ech:
-
Yehova ushidinamu anch ukutusadin ik anch twamekesh anch tumukatin mu kumwifukwil ching ndiy?
6. Tukat kumwifukwil Nzamb ku yikumangan
Tukat kumushiman Yehova ni kukasikeshijan umwing ni mukwau kusutil kuwang ni kwakul ku yikumangan yetu. Tang Kuseng 22:23, kupwa isambinany yipul ey:
-
Ov, ukat kusanger kutesh yakul ku yikumangan?
-
Ov, niyey ukatin kwirijek mulong wa kwakul?
7. Yehova ukat kusangar anch twayilej antu akwau yom twilejina
Kud mitapu yivud tukutwisha kuyilej antu akwau uyakin twilejina mu Bibil. Tang Kuseng 9:2 ni 34:2, kupwa isambinany chipul ech:
-
Chom ik wilejina mu Bibil ukatina kumulej muntu kanang?
ANCH MUNTU WAKWEL ANCH: “Chikasiken kwau kumusangaresh Nzamb.”
-
Ey utongin nchik?
YOM TWILEJA KAL
Tukat kumusangaresh Sakatang wetu anch twamwifukwil ching ndiy, twamushiman ku yikumangan, ni anch twayilej antu akwau yom twilejina.
Ov, uvurikin?
-
Kwisu kutulejinay Nzamb mutapu wa kumwifukwil mu mutapu witiyinay?
-
Mulong wak tufanyidin kumwifukwil ching Yehova?
-
Mulong wak tufanyidin kumwifukwil Nzamb pamwing ni antu akwau akatina niyau kumusangaresh?
JINGUNIN KAND
Mu rusangu rilondina anch “Nidiap Kand Muswik wa Atupwany,” tal mutapu wadiokalay mband umwing mu uswik wa kwifukwil atupwany.
“Bibil Ukarumwin Mwom ya Antu” (Chinong cha Kalam cha 1 Ngond wa 7, 2011)
Jingunin yom yikutwisha kukukwash chakwel wakula ku yikumangan.
“Mushimana Yehova Mukach mwa Chikumangen” (Chinong cha Kalam cha Ngond wa 1, 2019)
Tal mutapu wataninayamu ikundj umwing mu yikumangan ya chikumangen ap anch chading chimukasikedin kuya ku yikumangan.
Antu avud itiyijining anch dikurus chid chijingidij cha win Kristu, pakwez ov, tufanyidin kudisadin mu difukwil dietu?
a Yom yiney akuyisambin mu malejan malondwila kurutu oku.
Jingunin Kand
YIPUL YIPWILINGAU NAKASH
Dilejan dia Bibil Chom ik?
Tan yakul ku yipul piur pa program wetu wa kwilej Bibil pakad kufut nfalang.
