CHIPUL CHA 7
Mutapu ik Nikusala Anch Ambachik Kusal Masandj?
CHOM IK UFANYIDINA KUSAL?
Tongin bil chom chinech: Heather ni Mike ijikijadin kwasut kal angond aad, chad Mike umen mudi ijikijadin kal kudiosh pakuru. Akat kufundijadin chisu chawonsu, akat kwambamb ku telefon chisu chilemp ni kulond yom yivud! Katat Mike ukwet kuswir kwa yom yikwau.
Kupwa kwa angond aad, Mike ni Heather asambisha kwau kukwatijan ku makas ni kubwikatijanaku. Heather kakatinap kuya kulemp ni yom yiney. Pakwez Heather kakatinap anch urund wau ufa. Mike anch udi pamwing ni Heather, ukat kwiyov anch udi wa ufun ni wa pakampwil nakash. Heather ukat kulond anch ‘Am ni Mike tukatijadin nakash. . .’
Anch wawanyishin kal mivu ya kwatan ni anch wading mu mwikadil wa yom yamushikena Heather, chom ik wafanyina kusal?
TONG BIL!
Kumanijan kwa ikundj ni mband chidi chipan cha Nzamb mulong wa antu atijadina. Kusal masandj kurutu kwa kwatijan kudi kusadin nayimp chipan chinech. Chidi mudi kusadin disun diwamp diakwinkau chad ey wasambish kukusumun nich yom
Anch walik kulimish yijil ya yom yimwing yatangau, mudi yijil ya mujimbu, ukwikal ni yibudikin yiyimp. Chilik chimwing anch ulimishinap yijil ya mashakamin, mudi chijil chilondina anch: ‘Ilamany ku yom ya masandj.’—1 Tesalonik 4:3.
Yibudikin ik yidingaku mulong wa kulik kuziyil chijil chinech? Bibil ulondin anch: “Muntu mwin [masandj] ukat kuyipish mujimbu wend wawonsu.” (1 Korint 6:18) Chidi chakin mutapu ik?
In kukimbijol ajingunin anch ansand avud asala masandj kurutu kwa kwatijan ikala ni yibudikin yilondwilaku ey.
-
USHON UKASH. Ansand avud asala masandj kurutu kwa kwatijan alondin anch akat kwinan nakash kupwa kwa kusal mwamu.
-
KULIK KUCHINGEJIJADIN. Kupwa kwa kusal masandj, ikundj ap mband ukutwish kwiyipul anch, ‘Nany kand mukwau wasadinayap kal nend masandj?’
-
KUVURIK YOM YIYIMP. Ayangadim avud akatining nakash muntu ukutwisha kuyilam, pa ndond pa muntu uyipipejina. Ansand avud niyawiy amen kal anch chiwapin kwikal ni changadim wilimishina kulik uyizidina kwend ansand awonsu.
-
Chom cha usey: Anch wasal masandj kurutu kwa kwatijan, ukat kwipipej amwiney ni kushadish chom cha usey nakash. (Rom 1:24) Ijik anch mujimbu wey ukwet usey nakash kusutamu kusal masandj!
Mekesh anch ukwet usu wa kulimish chijil chilondina anch ‘ilamany ku yom ya masandj.’ (1 Tesalonik 4:3) Kupwa, dichuku ukwatijananga, ukutwish kusalang yom ukatinanya. Ni ukusangerang nakash pakad kwakam, pakad wom ukwetau ansand avud akata kusal masandj kurutu kwa kwatijan.—Jinswir 7:22, 23; 1 Korint 7:3.
Utongin Nchik?
-
Muntu ukukatina kamu, ov, ukutwish kukusal nayimp?
-
Muntu ukubangidina kamu, ov, ukutwish kukuyipishin urund wey ni Nzamb?—Hebereu 13:4.
