“Antu asadin yom yivud yikuyipisha nakash yirung (climat) piswimp ap. Misumb yivud yikwikal mu mem. Kukwikal yirung ya chirungul chipandakena. Rinkind ukwatishena wom. Kuburen mem ku jindond jivud. Milad ya mitond ni ya annam miliyon umwing yikushadik. Yidiap yom ya kutongin ni tupandakeshinap. Yawiy yom yitulejinay siyans yikushikena anch maguvernema maswimpinap mutapu wau wa kusadin ma énergie”—Kukwatijan ni António Guterres, secrétaire général wa Nations unies, piur pa rapor wa Groupe d’experts intergouvernemental sur l’évolution du climat wa machuku ma ngond 4 Ngond wa 4, 2022.

 “In siyans atubabeshin anch piswimp ap piswimp mapark mawonsu 423 ma mu États-Unis makusheshik mulong wa kuswimp kwa yirung, pakampwil mulong mapark minam mitinap chirungul cha piur. Yom yiyimp yikutwisha kushiken yifanaken ni yishiken ya mar tukutwisha kutang mu Bibil: kasu ni mabeb, kwengurik kwa mem mikwatina, kwizul kwa aturung ni yirung ya chirungul chipandakena.”—“Mabeb Nayimp mu Yellowstone, Chijingidij cha yom Yiyimp Yezina,” The New York Times, machuku ma ngond 15 Ngond wa 6, 2022.

 Ov, milong yisheshina divu yikez kapwa? Anch mwawiy, nany ukuyipwisha? Tal yom yilondinay Bibil.

 Bibil ulejen anch Nzamb ukez “kuyishesh awonsu akata kushesh mangand.” (Kujingunik 11:18) Verse winou wa Bibil utufundishin yom yisatu:

1.  1. Yom yikusalau antu yikushesh divu nakash.

2.  2. Kusheshik kwa divu kukez kapwa.

3.  3. Nzamb ndiy ukupwisha milong yisheshina divu, kadiap antu.

 Bibil ulondin anch “mangand [divu] mashiching chikupu.” (Mulej 1:4) pakwikal antu chikupu.

•   “Mwin kutentam mwawonsu ukez kaswan ngand, ukez kashakamamu chikupu.”—Kuseng 37:29.

 Divu dietu akudirijek, dikwikal kand diwamp nakash.

•   “Mpay yikez kasangar, ni yisalamb yikez katupuk mwi ngand yiumidila.”—Isay 35:1.