Pa dichuku dia 27, Ngond wa 1, 2023, antu avud akuvurik dichuku ditazukinau anch la Journée internationale dédiée à la mémoire des victimes de l’Holocauste. Anch watong nakash piur pa yom ya chisum ni yiyimp yasadika kwasutin kal mivu 75 ni kusut, ukat kwiyipul pamwing ap anch mulong wak Nzamb walikidila anch in Yuda ayijipa.

•   Chakwel ujingunina yom yilondinay Bibil, tang mutu wa mulong ulondina anch “Mulong wak in Nazi Ayijipa in Yuda Avud? Mulong wak Nzamb Walika Kukangesh Yom Yiney?”

 In Nazi ayimekesha in Yuda mar nakash. Ayijipa kand mamiliyon ma in Yuda. Payijipau in Yuda avud, antu akwau niyawiy afa kand pa chirung chinicha. Pakach pa antu inay afa pading kand ni Atuman a Yehova, azengolau mulong wa ritiy rau rimedina pa Bibil.

•   Chakwel ujingunina yom yivud, tang mutu wa mulong “Qu’est-​il arrivé aux Témoins de Jéhovah sous le régime nazi?”

 Antu avud oviling wom nakash anch chinship mud chinech cha in Nazi ayijipa in Yuda avud chikutwish kushiken kand. Chidia cha musangar nakash, chid anch Bibil ulejen anch machuku ma kurutu yom mud yiney yikezap ap pakemp kusadik kand.

•   “[Yehova] ulondin anch ‘am amwinam nij inatenchika kal mulong wenen. Kutenchik kwam kudi kwa kukuletilany [chisambu] pakwez mar bwat. Kudi kand kwa kukuletilany ruchingej ra kurutu.’”​—Jeremiy 29:11. a

 Kushilamu kwinoku kukez kuwanyin chisu chikezay Yehova Nzamb kudiosh musul wa yom yawonsu yiyimp. Yom yikuwanyishay piswimp ap:

•   Ukuyidiosh antu ayimp ayisadidina akwau nayimp.​—Jinswir 2:22.

•   Ukuyok antu awonsu amena mar.​—Kujingunik 21:4.

•   Ukuyivumbul antu awonsu afila kal.​—Yohan 5:28, 29.

 Ukutwish kuchingejin ruchingej ripaninay Bibil anch rikuwanyin. Chakwel ujingunina yom yivud, tukwitin wileja Bibil pamwing netu pakad kufut nfalang.