Kupwit:

• Dipaper

1. 1. Wovil masok ma atujil,

   Piutadina maur.

   Kupwa wendin mwinkurubuk

   Chad muten ukubudin pa mes.

   Uyakin akatish ney,

   Ni usanger kamu nakash.

   Komb Paradis muwamp ou

   Wading kamu kwend piswimp ap.

2. 2. Umen chikumbu mwi nkurubuk

   Ni chikwau kand pa mukandu.

   Wovil masok ma mpol yijim

   Payila mem mwiyand mwa kawit.

   Yom ya muyir yaswa kal.

   Ni tusotil chad kwangul.

   Ngand yituchingedina

   Yading kamu kwau piswimp ap.

   (CHILAL)

   Tusanger kwangan nau akwetu

   Yom twading tuchingedina.

   Kwikil kand mansoj ku mes metu.

   Etu awonsu tud katat ansand.

3. 3. Tesh mazu ma antu asangera

   Ni madjimb ma yisalamb.

   Dichuku diawonsu ud ni arund

   Ukatina kwikal nau pamwing.

   Wamujikitish Yehova,

   Mulong ud kamu mwin rukat.

   Yiyukish twachingela

   Komb yading kamu kwau piswimp ap.

   (CHILAL)

   Chad dichuku diawonsu nisanger,

   “Kuman chifu chey cha musangar!”

   Mulong nading kutogin anch

   Tukez kukubwikat nakash.

4. 4. Am nichingedin kamu

   Kuman Paradis muwamp.

   Mud mwa tukanay Yehova.

   Ruchingej riner rid kamu rakin.

   Tufanyidinap kwidjidjek

   Yiyukish yiney yezin.

   Ni yichingedin nich impu,

   Komb yading kamu kwau piswimp ap.