Ov, Mariy Udi Makwend a Nzamb?

UKUTWISH KUTESH KUSUTIL KU

Chakul cha Bibil

Bwat, Bibil kafundishinap anch Mariy ndiy makwend a Nzamb ap kamekeshinap anch in Kristu afanyidin kumwifukwil Mariy. a Shinshikin bil:

Mariy amwinend kalondap anch ndiy wading makwend a Nzamb. Bibil urumburil anch wavala “Mwan a Nzamb,” kadiap Nzamb amwinend bwat.—Marko 1:1; Luka 1:32.
Yesu Kristu kalondap anch Mariy wading makwend a Nzamb ni kalondap anch chading chifanyidin kumwifukwil Mariy. Pakwez wamupupa mband umwing wabaza mu mutapu wa pakampwil chisend chiwamp chadingay nich Mariy mudi makwend a Yesu, palonday anch: “Chakin kamu, pakwez ayuk kwau antu akata kutesh dizu dia Nzamb ni kudisadil!”—Luka 11:27, 28.
Mazu “Makwend a Nzamb” ni “Theotokos” (mwin kumuval Nzamb) madiap kwau mu Bibil.
Mazu “Mwant Mband wa Mwiur” mamekeshin mu Bibil nzamb mband wa makasu wifukwilau in Isarel apumbuka, pakwez kadiap Mariy bwat. (Jeremiy 44:15-19) “Mwant Mband wa Mwiur” wading pamwing ap nzamb wa makasu mband wa in Babilon watazukau anch Ishtar (Astarte).
In Kristu a kusambish kamwifukwilap Mariy ni kamwinkishap kalimish ka pakampwil. Mband umwing mwin kufund nsangu ja pakur walonda anch in Kristu a kusambish “alika difukwil dia akish ni ading kwovang wom anch pamwing ap anch amulimish nakash Mariy difukwil diau dikwikal mudi akat kumwifukwil nzamb mband wa makasu.”—(In Quest of the Jewish Mary).
Bibil ulondin anch Nzamb udingaku kwend chisu chawonsu. (Kuseng 90:1, 2; Isay 40:28) Mulong kakwetap disambishil, kakutwishap kwikal ni makwend. Chikwau kand, Mariy kafanyinap kutwish kumusend Nzamb mu divumu diend, mulong Bibil ulejen patok anch ap maur mamuwanyidinap bwat.—1 Ant 8:27.

Mariy wading Makwend a Yesu kadiap “Makwend a Nzamb”

Mariy wading mwin Yuda wa chivadik ni mwan wa mu dijuku dia Mwant David. (Luka 3:23-31) Witapila dilau kudi Nzamb mulong wa ritiy ni kwipan kwend. (Luka 1:28) Nzamb wamutonda kwikal makwend a Yesu. (Luka 1:31, 35) Mariy wavala an akwau pamwing ni nfumwend Josef.—Marko 6:3.

Ap anch Bibil ulejen anch Mariy wikala mwin kwilej wa Yesu, kwikil nsangu jikwau jiletinau piur pend.—Midimu 1:14.

Mulong wak antu amwing akat kumuman Mariy mudi makwend a Nzamb?

Yom ya kusambish yimekeshina kumwifukwil Mariy yamekana kwinsudiel kwa mivu yitot yinying ya kusambish C.C. Pa chisu chinicha, egliz Katolik wikala relijon wa mbur matad mu Want wa Rom. Mudi chibudikin, antu avud ading ni yitiyij ya apagan ikala in Kristu a dijin kwau. Egliz witiyija ni kusadin kand mafundish makad kwikal mu Bibil ma Usatu.

Mafundish ma Usatu mayishikija antu avud kwitiyij anch Yesu wading Nzamb ni anch Mariy ufanyidin komb kwikal makwend a Nzamb. Mu muvu wa 431 C.C., komite wa egliz wa mu Efes walejana patok anch Mariy udi “Makwend a Nzamb.” Kupwa kwa komite winou wa mu Efes, kumwifukwil Mariy kwapandakana nakash. Ni mulong antu ading akweta yitiyij ya apagan ibwomba mu egliz, yipich ni yifatul ya Mariy Kajik yadandamena kuswinkan pakemp pakemp anzamb au amband a ruvaj, mudi Aritemis (ap Diane, kudi in Rom) ni Isis.

Mu muvu wa 432 C.C., Pap Sixte III wapana mbil ya kutung egliz mu Rom mulong wa kumuvurikinaku “Makwend a Nzamb.” Egliz winou amutunga piswimp ni tempel mukur watungau mulong wa Lucine, nzamb mband wa in Rom wa kuval. Mwin kufund umwing mband warumburila egliz winou mudi “chijingidij chikash cha kumufanikesh nich Maku Mujim wifukwilangau kudi apagan ni difukwil dia Mariy kupwa kwa in Rom kwandam mu win Kristu”—(Mary—The Complete Resource).

a Marelijon mavud mafundishin anch Mariy ndiy makwend a Nzamb. Akat kumutazuk anch “Mwant Mband wa Mwiur” ni anch Theotokos , dizu dia Grek dirumburikina anch “mwin kumuval Nzamb.”

Mitu ya Milong Yitanijadina

Nzamb Bibil Yakul ku Yipul ya Bibil

Jingunin Kand

YAKUL KU YIPUL YA BIBIL

https://cms-imgp.jw-cdn.org/img/p/502018108/univ/art/502018108_univ_sqr_xl.jpg

ijwbq article 136

Atuman a Yehova

Ov, Mariy Udi Makwend a Nzamb?

Chakul cha Bibil

Mariy wading Makwend a Yesu kadiap “Makwend a Nzamb”

Mitu ya Milong Yitanijadina

Jingunin Kand

Yom ik Yilondinay Bibil Piur pa Mariy Mujik?

Ov, Yesu Kristu Ndiy Nzamb?

Kwit Chakwel Eza Kukutal