Madzrungula lamanene Lama Tsraliwiki hi Marka 16:1-8
-
Ku pfuxiwa ka Yesu (1-8)
16 Loko Savata dzri khalutile, Mariya Magadala, Mariya mamana wa Yakobe, kun’we na Salome va xave mizri ya ku nun’hwela akuva va ya tota ntsrumbu wa Yesu.
2 Hi siku dzra ku sungula dzra vhiki va suke mpundzrwini va ya sizreni, va ya tlhasa na dambu dzri sungula ku huma.
3 A va vutisana va ku: “I mani a taka hi vumbulutela zribye ledzri pfaliki nyangwa wa sizra?”
4 Kambe loko va langute nyangwa wa sizra, va vone leswaku a zribye a dzri vumbuluteliwile dzri susiwa, nambileswi a dzri li dzrikulu swinene.
5 Loko va nghene sizreni, va vone djaha na dzri tsrhamise ka tlhelo dzra xinene dzra sizra, na dzri yambale mpahla ya ku basa ya ku leha, kutani va hlamala.
6 Dzri va byeli dzri ku: “Mi nga hlamali. Mi djuletela Yesu wa Munazareta lweyi a dlayiwiki mhandzrini. A pfuxiwile. A nga kone lani. Lavisani, a a latiwe lani.
7 Kambe fambani mi ya byela vadondzrisiwa vake kun’we na Petro mi ku: ‘Swoswi a le ndleleni ya ku ya a Galileya. Mi ta ya mu vona kohala, hi lani a mi byeliki ha kone.’”
8 Xileswo, loko va hume hi sizreni, va fambe hi ku tsrutsruma na va txhava va tlhela va hlamala ngopfu swinene. A va byelanga mhunu mhaka leyi, hikusa a va txhava.*
Tintlhamuxelo ta le hansi
^ Hi ku ya hi matsralwa ya khale lawa ma dumbekaka, a Evhangeli dzra Marka dzri gamisa hi mazritu lawa ma kumekaka ka ndzrimana 8.
