Ku sukela ka lembe ledzri, hi ta hamba hi va ni nkama wunyingi wa ku tilulamiselela Xidzrimuxo Xa Lifu Dzra Kriste. Loko Xidzrimuxo xi va hi makazri ka vhiki, a hi nge ti va ni Ntlhanganu Wa Wutomi Ni Wutizreli ndzreni ka vhiki ledzro. Loko xi va hi ku hela ka vhiki, a hi nge ti va ni wukaneli bya le livaleni ni Xidondzro xa Xihondzro Xa Ku Zrindzra. Xana u ta lulamisa xiyimisu xaku akuva u wu tizrisa ha hombe nkama lowo wa ku yengeseleka? Ku fana ni le dzaneni dzra ku sungula, ku fanela ku yentxiwa malulamiselo hi nkama wa xiyentxakalu lexi xa ku hlawuleka. (Lk 22:7-13; Nosso Ministério 03/15 p. 1) Kambe hinkwezru hi fanela ku lulamisela mbilu yezru. Hi nga swi yentxisa kuyini leswo?

• Yanakanya hi lisima dzra ku va kone.​—1Ko 11:23-26

• Khongota u tlhela u yanakanyisisa hi wuxaka byaku na Yehovha.​—1Ko 11:27-29; 2Ko 13:5

• Dondzra u tlhela u yanakanyisisa hi Matsralwa lama khanelaka hi lisima dzra Xidzrimuxo.​—Yh 3:16; 15:13

Vazrezri van’wana va dondzra ni ku yanakanyisisa hi ku dondzra ka Bibele loku fambisanaka ni Xidzrimuxo loku kumekaka ka Examine As Escrituras Diariamente. Van’wana va tizrisa tindzrimana ta Bibele leti fambisanaka ni bokisi dzri nga ka xibukwana xoxi. Kasi van’wana va pfuxeta tinhloko-mhaka ta Xihondzro Xa Ku Zrindzra leti khanelaka hi Xidzrimuxo ni lizrandzru ledzri Yehovha na Yesu va hi kombiki dzrone. Kambe, a swi na mhaka leswaku u langa ku dondzra yini, xa lisima hi leswaku swoswo swi ku pfuna ku tsrhindzrekela kusuhi na Yehovha ni N’wanakwe.