HA YINI SWI LI SWA LISIMA: Vatotiwa ni tihamba tin’wana va zramba vhanu va mixaka hinkwayu ku ‘teka ntsena mati ya wutomi’. (Mpf 22:17) Mati lawa ya ku fanekisela ma yimela malulamiselo hinkwawu ya Yehovha ya ku tizrula vhanu lava ku yingiseta ka xidoho ni lifu. Ku va hi pfuna vhanu lava nga ni mahanyela ni wukhongoti bya ku siyana-siyana, hi fanela ku va komba ‘evhangeli ledzri nga helikiki’ hi ndlela leyi taka va nabyalela.​—Mpf 14:6.

MAYENTXELA YA KONE:

• Hlawula mhaka ni tsralwa leswi taka khumba timbilu ta vhanu va teritoriyu dzraku. U nga ha langa xikombiso xa ku bula hi Bibele kumbe yentxela ledzri u samiki u humelela ku dzri tizriseni. Hi tini tinhla ni matsralwa lawa ma yamukelekaka? Xana ku ni madzrungula ya swoswinyana lawa vhanu va bulaka hawone? Hi wani ma nga nyonxisaka waxinuna kumbe waxisati?

• Ka mabulu yaku patsra malosela ni swihena leswi tolovelekiki mugangeni waku.​—2Ko 6:3, 4

• Tolovelana ni mabuku kun’we ni ma-vídeo lama nga ka xiyenge xa Switizro Swa Ku Dondzrisa Ha Swone, akuva u komba lava ma nyonxelaka

• Xixa dzrungula hi lidzrimi dzra vhanu va le ka nsimu yaku

• Titwananisi ni dzrungula ledzri fambisanaka ni swivileleko swa n’winyi wa muti. (1Ko 9:19-23) Hi xikombiso, a wu ta kuyini loko wo tiva swaku a n’winyi wa muti a ha ku feliwa hi lwa a mu zrandzraka?

HLALELA VÍDEO, MI GAMA MI HLAMULA SWIVUTISO LESWI LANDZRELAKA:

• Muzrezri a sungule hi dzrungula dzrini ku bula ni n’winyi wa muti?

• A ku humelela yini wuton’wini bya n’winyi wa muti?

• Hi yini ndzrimana leyi fambisanaka ni xiyimu lexi, nakone ha yini?

• Loko u sungula bulu, u yentxisa kuyini akuva u titwananisa ni swiyimu swa vhanu va teritoriyu dzraku?