Loko u li mumpswha lwa nga mukriste kumbe u dondzreliwa Bibele, xana u ni kungu dzra ku babatisiwa? Ha yini u fanela ku babatisiwa? Ku tinyiketela ni ku babatisiwa swi hi yentxa hi va ni wuxaka bya ku hlawuleka na Yehovha. (Ps 91:1) Nakone swi nga hi pfuna kuva hi huluxiwa. (1Pe 3:21) U nga yentxa yini akuva u tlhasela kungu ledzro?

Tikholwise leswaku lowu hi wo ntiyiso. Loko u ni ku ganaganeka ka kukazri, hamba wusetxhi hi mhaka yoleyo. (Ro 12:2) Hamba ku txintxa loku vilelekaka, na u tiyiseka leswaku u hamba ku txintxa loko hi ku djula ku nyonxisa Yehovha. (Pr 27:11; Ef 4:23, 24) Khongota ka Yehovha nkama hinkwawu akuva a ku pfuna. Tiyiseka leswaku nkama hinkwawu Yehovha a ta ku tiyisa ni ku ku pfuna hi ku tizrisa moya wakwe lowa ku xwenga. (1Pe 5:10, 11) Minzamu hinkwayu leyi u taka yi yentxa akuva u tizrela Yehovha a ku nge ti va nyuku wa mbyana, hikusa ku tizrela Yehovha swa nyonxisa!​—Ps 16:11.

HLALELANI VÍDEO LEDZRI LIKI LESWI VAMBENI VA SWI YENTXIKI AKUVA VA TLHASELA BABATISO, MI GAMA MI HLAMULA SWIVUTISO LESWI LANDZRELAKA:

• Hi swini swizralanganya leswi vamakwezru vambeni va swi hluliki akuva va kota ku babatisiwa?

• U nga dzri tiyisisa kuyini lipfumelo dzraku akuva u tinyiketela ka Yehovha?

• I yini lexi pfuniki vamakwezru van’wana akuva va yentxa leswi a swi vileleka akuva va babatisiwa?

• Hi wani matovoko lawa Yehovha a nyikaka lava hlawulaka ku mu tizrela?

• Swi tlhamuxela yini ku tinyiketela ni ku babatisiwa?