Zritu dzra Xikwembu Nkulukumba dzri nga ntxintxa wutomi byezru. (Hb 4:12) Kambe, akuva hi susa londzrovoto ka minkongomiso ni swilayu swake, hi fanela ku kholwiseka leswaku hakunene i ‘zritu dzra Xikwembu Nkulukumba’. (1Te 2:13) Hi nga dzri tiyisisa kuyini lipfumelo dzrezru ka Bibele?

Dondzra Bibele siku ni siku. A nkama lowu u dondzraka Bibele, djuletela leswi nga ku kholwisaka leswaku Yehovha hi yene Mutsrali wa Bibele. Hi xikombiso, vona swilayu swa wutlhazri leswi kumekaka ka buku dzra Amaproverbia ni ku vona ndlela leyi swi nga ku pfunaka ha yone a wuton’wini byaku.— Pr 13:20; 14:30.

Kelisisa nkama lowu u dondzraka. Dondzra hi mhaka leyi taka ku kholwisaka leswaku Bibele dzri huhutiwe hi Xikwembu Nkulukumba. Ka Nkongomiso Wo Endla Ndzavisiso Wa Timbhoni Ta Yehovha yana ka “Tinhlokomhaka” u ya ka “Bibele” u gama u ya ka “Yi Huhuteriwe Hi Xikwembu”. U nga tlhela u tiyiseka leswaku a dzrungula dzra Bibele a dzri txintxanga, hi ku dondzra dzrungula ledzri kumekaka ka xiyenge Xiengetelo A3 ka Bibele—Matsalwa Yo Kwetsima.

HLALELANI VHIDIYU LEDZRI LIKI HA YINI HI FANELA KU VA NI LIPFUMELO . . . KA ZRITU DZRA XIKWEMBU NKULUKUMBA, MI GAMA MI HLAMULA SWIVUTISO LESWI LANDZRELAKA:

• Xana khumbi ledzri gunguliwiki a tempeleni dzra le Karnak, a Egipta, dzri swi tiyisekisa hi ndlela yini leswaku a Zritu dzra Xikwembu Nkulukumba i ntiyiso?

  textarea-1

• Hi swi tivisa kuyini leswaku a dzrungula dzra Bibele a dzri txintxiwanga?

  textarea-2

• Ku va Bibele dzri hulukile ku ta tlhasela masikwini yezru swi yi tiyisekisa hi ndlela yini leswaku a Bibele i Zritu dzra Xikwembu Nkulukumba?—Dondzra Ezaya 40:8.

  textarea-3