Ha yini hi fanela ku tilulamisela? Mavabyi ma nga ha humelela hi xitxhuketa. Tilulamisele ke he swoswi akuva swi ta ku pfuna loko swi ta vileleka. Hi ku yentxa leswo, u kombisa leswaku u hlonipha wutomi ni milawu ya Yehovha mayelanu ni ngati.—Min 15:28, 29.

U nga tilulamisela hi ndlela yini?

• Khongota u va u tsrala kartawu dzra ngati (DPA) hi wunyaminyami. a Vazrezri lava babatisiwiki va nga kuma DPA ka nandzra wa mabuku va tlhela va kumela vanavu kartawu dzra (ic)

• Loko u ni nyimba, kombela (S-401) ka vakulu a bandleni. Papela ledzri dzri ta ku pfuna ku teka swiboho leswinene loko u txhuka u vabya loko wa ha ni nyimba kumbe loko ku txhuka ku humelela xa kukazri nkama lowu u pswalaka

• Loko u ni mavabyi ya ku ma sindzrisa kuva u txheliwa ngati kumbe swi sindzrisa kuva u baxara, byela vakulu na ka ha ni nkama u va u byela va xipiritana leswaku u ta pfuxeliwa hi Timboni Ta Yehovha

Xana vakulu va nga ku pfunisa kuyini? Va nga ha ku pfuna ku tsrala kartawu dzraku dzra DPA. Nambitanu, a vakulu a va nga ti ku tekela xiboho kumbe ku sindzrisa mavonela yavu ka mhaka leyi vilelaka kuva mun’wana ni mun’wana a titekela xiboho mayelanu ni wudahu. (Ro 14:12; Ga 6:5) Loko u byela vakulu hi xikazratu lexi u kumanaka na xone mayelanu ni ngati, hi ku kahlula va ta bulisana ni va COLI hi mhaka leyo.

Xana va COLI va nga ku pfunisa kuyini? Vamakwezru lava tizraka ka COLI va wupfisiwe ku pfuna lava tizraka swipiritana a migangeni kuva va twisisa xiyimu xezru mayelanu ni ngati. Va nga tlhamuxela madahela man’wana na swi nga sindzrisi ku txheliwa ngati. Loko swi sindzrisa va nga ha ku pfuna ku kuma dotori lwa nga ku dahaka na a nga tizrisi ngati.

HLALELANI VHIDIYU LEDZRI LIKI U NGA TEKA XIBOHO LEXINENE XA MADAHELA LAMA NGA TIZRISIKI NGATI HI NDLELA MUNI?, MI GAMA MI HLAMULA XIVUTISO LEXI LANDZRELAKA:

• U dondzre yini ka vhidiyu ledzri leswi taka ku pfuna ku tilulamisela ku hlawula madahela lama nga tizrisiki ngati?

  textarea-1