Lembe ni lembe Timboni ta Yehovha ti swi yimela hi malamfani ku hlalela Xidzrimuxo xa lifu dzra Kriste. Mavhikinyana na Xidzrimuxo xi nga si na sungula ni loko xi khalutile hi va ni mukhandlu wa ku hlawuleka wa ku dzrumisa Yehovha ni ku mu tlangela hi kola ka nyiko ya xitizrulo, xileswo hi djula ku londzrovota mukhandlu lowo. (Ef 1:3, 7) Hi xikombiso, hi nga yentxa hinkwaswu leswi hi nga swi kotaka akuva hi zrambela vhanu ku ta Xidzrimuxweni. Van’wana va hamba ku ntxintxa ka kukazri akuva va tizra swanga maphayona ya ku pfunisa nakone va nga hlawula ku nyikela 30 kumbe 50 wa mawora ka tiwheti ta Marsu na Abrili. Xana u nga nyonxela ku yengesela ntizro waku wa nsimu hi nguva ya xidzrimuxo? U nga swi yentxisa kuyini leswo?

Hi talisa ku yentxa leswi yengetelekiki loko hi kunguhata na ka ha li nkama. (Pr 21:5) Leswi xidzrimuxo xi tsrhindzrekelaka, sungula ku tilulamisela ke he swoswi. Pimisa ke he swoswi leswaku u nga yentxa yini akuva u yengesela ntizro waku wa nsimu ka mavhiki lawo nakone yentxa xa kukazri akuva u tlhasela kungu ledzro. Kutani ntsrhaku ka leswo kombela kuva Yehovha a tovokisa minzamu yaku hinkwayu.—1Yh 5:14, 15.

U nga yengesela ntizro waku wa nsimu hi nguva ya Xidzrimuxo hi ndlela yini?