15-21 Ka Janeru
YOB 36-37
Lisimu 147 Ni Xikhongoto | Mazritu Ya Ku Pfula (1 min.)
1. Ha Yini U Fanela Ku Kholwa Leswaku Xikwembu Nkulukumba A Ta Ku Nyika Wutomi Lebyi Nga Helikiki?
(10 min.)
Yehovha ha byakwe a hanya hi la ku nga helikiki (Yb 36:26; Xihondzro Xa Ku Zrindzra 12/2022 p. 2 §§ 3-4)
Yehovha a ni wutlhazri ni ntamu wa ku hi pfuna ku tama hi hanya (Yb 36:27, 28; Xihondzro Xa Ku Zrindzra 05/2020 p. 22 § 6)
Yehovha a hi dondzrisa ndlela ya ku kuma wutomi lebyi nga helikiki (Yb 36:4, 22; Yh 17:3)
Loko hi li ni lipfumelo ledzri tiyiki ka xidumbiso xa wutomi lebyi nga helikiki, hi ta va ni ntamu wa ku lwisana ni swikazratu swa wutomi. — Hb 6:19; Xihondzro Xa Ku Zrindzra 10/2022 p. 28 § 16.
2. Tindzralama Ta Moya
(10 min.)
-
Yb 37:20—Xana a madzrungula a ma nyikeliwa hi ndlela yini a minkameni ya le Bibeleni? (Perspicaz vol-1 p. 522)
-
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Bibele
(4 min.) Yb 36:1-21 (th dondzro 2)
4. Ku Sungula Mabulu
(3 min.) KU ZREZRA KA LE LIVALENI. (Zrandzra Vhanu dondzro 3 mhaka 3)
5. Ku Hamba Timpinda
(4 min.) HI MUTI NI MUTI. (Zrandzra Vhanu dondzro 2 mhaka 5)
6. Ku Tlhamuxela Leswi U Kholwaka Ka Swone
(5 min.) Wukaneli. Perguntas frenquentes p. 57 §§ 5-15—Nhlokomhaka: Ha yini Timboni Ta Yehovha Ti Xanisiwile Hi Nkama Lowu A Manazi A Ma Dlayelela Vayuda? (th dondzro 18)
Lisimu 49
7. Tsrhama Na U Lulamele Ku Lavisana Ni Mavabyi Kumbe Ku Hambiwa Operasawu
(15 min.) Ku bulisana ni vayingiseti. Wukaneli lebyi taka nyikeliwa hi nkulu wa bandla.
Nhlengeletanu ya Yehovha yi hi nyika switizro leswi hi pfunaka ku tama hi yingiseta nawu wa Xikwembu Nkulukumba mayelanu ni ngati. (Min 15:28, 29) Xana u swi tizrisa ha hombe switizro leswo?
Kartawu dzra DPA ni Cartão de Identidade (ic): Ka makartawu lawa, a mhunu a tsrala leswi a djulaka ku dahisiwa xiswone na ku nga tizrisiwi ngati. Vazrezri lava babatisiwiki va nga kuma kartawu dzra DPA ka nandzra wa mabuku va tlhela va kumela vanavu lava ha liki vatsrongo kartawu dzra (ic). Hi fanela ku fambafamba na wone nkama hinkwawu. Loko u nge si na tsrala kumbe u djula ku ma pfuxeta, swi yentxe hi ku kahlula.
Dzrungula Mayelanu Ni Lava Nga Ni Tinyimba (S-401) Ni Dzrungula Mayelanu Ni Lava Djulaka Ku Hambiwa Operasawu Kumbe Ku Hamba Quimioterapia (S-407): Mapapela lawa ma nga ku pfuna kuva u lulamela ku dahiwa hi ndlela leyinene, nambi ka swiyimo leswi fambisanaka ni ngati. Loko u txhuka u djula ku hambiwa operasawu, ku dahiwa kankru kumbe u ni nyimba, u nga ha kombela dzrin’we dzra mapapela lawa ka vakulu.
Xihubyana Xa Ku Vulavulisana Ni swipiritana (Colih): Vakulu lava hambaka xiyenge xa Xihubyana lexi va wupfisiwa akuva va nyikela dzrungula ka vadotori ni ka vazrezri mayelanu ni madahela lama patsraka ngati. Va nga vulavula ni dotori waku mayelanu ni tindlela ta madahela lama kalaka ma nga tizrisi ngati. Loko swi vileleka va nga ku pfuna ku kuma dotori lweyi a taka hlonipha xiboho xaku. Vakulu lava va kumeka masiku hinkwawu. Nambiloko u vona leswaku a swi nge tiza swi vilela kuva u txheliwa ngati, kambe loko u ta baxara, ku hambiwa operasawu kumbe ku dahiwa mavabyi man’wana ya ku fana ni kankru, tekela ku fonela vamakwezru va Colih loko swi koteka. U fanela ku yentxa leswi fanaka loko u ni nyimba. Akuva u kuma numeru ya vamakwezru va Colih, khanela ni mun’we wa vakulu va bandla.
Txhaya Vhidiyu Ledzri Liki Xihubyana Xa Ku Vulavulisana Ni Swipiritana—Va Nga Ku Pfunisa Kuyini? U gama u hamba xivutiso lexi landzrelaka ka vayingiseti:
Xana vamakwezru va Colih va nga ku pfunisa kuyini loko u djula ku dahiwa mavabyi ya kukazri kumbe ku hambiwa operasawu?
