26 Ka Fevhereru–3 Ka Marsu
AMAPSALMA 11-15
Lisimu 139 Ni Xikhongoto | Mazritu Ya Ku Pfula (1 min.)
1. Tivone Na U Li Ka Misava Leyimpshwa Leyi Zruliki Ya Xikwembu Nkulukumba
(10 min.)
Kuva vhanu va nga yi landzri milawu ni minkongomiso swi vanga madzolonga lawa hi ma vonaka namunhla (Ps 11:2, 3; Sentinela 15/05/2006 p. 18 § 3)
Hi nga dumba leswaku Yehovha a ta helisa madzolonga ku nga li khale (Ps 11:5; Sentinela para Público 4/2016 p. 11)
Ku yanakanyisisa hi swidumbiso swa Yehovha swa ku huluxa swi nga hi pfuna kuva hi nga heli mbilu nkama lowu hi yimelaka misava leyimpshwa (Ps 13:5, 6; Sentinela 08/2017 p. 6 § 15)
DZRINGISA LESWI: Dondzra Ezekiel 34:25, u gama u tinyika nkama wa ku tivona na u li ka xiyimu xa ku zrula lexi ku khaneliwaka hi xone ka ndzrimana leyi.—Reino de Deus p. 236 § 16.
2. Tindzralama Ta Moya
(10 min.)
-
Ps 14:1—Xana swiyimu leswi ku khaneliwaka ha swone ka ndzrimana leyi swi nga va khumbisa kuyini vakriste? (Sentinela 15/09/2013 p. 19 § 12)
-
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Bibele
(4 min.) Ps 13:1–14:7 (th dondzro 2)
4. Ku Sungula Mabulu
(2 min.) KU NYIKELA WUMBONI BYA XITXHUKETA. Mu zrambi ku ya Xidzrimuxweni. (Zrandzra Vhanu dondzro 5 mhaka 3)
5. Ku Sungula Mabulu
(1 min.) HI MUTI NI MUTI. Mu zrambi ku ya Xidzrimuxweni. (Zrandzra Vhanu dondzro 3 mhaka 4)
6. Ku Sungula Mabulu
(3 min.) HI MUTI NI MUTI. N’winyi wa muti a kombisa leswaku a xi nyonxelile xizrambu xa Xidzrimuxu. (Zrandzra Vhanu dondzro 7 mhaka 4)
7. Ku Yentxa Vadondzrisiwa
(5 min.) Hanya Hi Ku Nyonxa! dondzro 13 nkatsrakanyu, mpfuxeto ni lwela leswi. Tizrisa nhlokomhaka leyi nga ka xiyenge “Handzrisisa” akuva u pfuna xidondzro xaku xa Bibele akuva xi twisisa matitwela ya Xikwembu Nkulukumba mayelanu ni wukhongoti bya madzrimi. (th dondzro 12)
Lisimu 8
8. ‘Awutlhazri Byi Tlula Matlhazri’
(10 min.) Ku bulisana ni vayingiseti.
A madzolonga ma ya ma yandzra a misaveni hinkwayu. Yehovha awa swi tiva leswaku a madzolonga lawa hi ma vonaka ma nga hi hlatiyelisa. Nakone awa swi tiva leswaku hi vilela nsizrelelo. Yin’we ya tindlela leti Yehovha a hi sizrelelaka ha yone i ku tizrisa Zritu dzrake ku nga Bibele.—Ps 12:5-7.
A Bibele dzri ni wutlhazri byinyingi lebyi ‘tlulaka matlhazri’. (Ekl 9:18) Kambisisa ndlela leyi minsinya ya milawu leyi landzrelaka yi nga hi pfunaka ha yone akuva hi tisizrelela.
-
Ekl 4:9, 10—U nga tolovele ku famba wuswaku ka mimbangu leyi kalaka yi nga sizrelelekanga
-
Pr 22:3—Xiyisisa leswi swi yentxekaka a matlhelweni kwaku ngopfungopfu loko u li ka mbangu wa vhanu vanyingi
-
Pr 26:17—U nga tipeti ka mholova ya ku a yi ku lumbi
-
Pr 17:14—Loko u vona leswaku ku djula ku pfuka mpfilumpfilu, suka ka mbangu lowo. Fambela kule ni vhanu lava hlengeletaniki kuva va pfuxa mpfilumpfilu
-
Lk 12:15—U nga beki wutomi byaku nghozini hi ku djula ku sizrelela mintxhumu leyi u nga na yone
Txhaya VHIDIYU ledzri liki Yetisela Lava A Va Ni Lipfumelo, Ku Nga Li Lava A Va Nga Li Na Dzrone—Enoki, Ku Nga Li Lameki. U gama u hamba xivutiso lexi landzrelaka ka vayingiseti:
Xana xikombiso xa Enoki, xi mu pfunise kuyini papayi lweyi akuva a teka xiboho lexinene loko ku pfuka mpfilumpfilu? —Heb 11:5
Ka swiyimu swa kukazri, swi nga ha vilela kuva Vakriste va yentxa xa kukazri akuva va tisizrelela kun’we ni ku sizrelela mintxhumu yavu. Loko leswo swi sindzrisa, mukriste a fanela ku tivonela kuva a nga dlayi mhunu kumbe vavisa vambeni.—Ps 51:14; vona “Swivutiso Swa Vahlayi” Ka Xihondzo xo Rindza xa Julhu Wa 2017.
9. Tsima Dzra Ku Zrambela Vhanu A Xidzrimuxweni Ledzri Taka Sungula Hi Mugqivela, 2 Ka Marsu
(5 min.) Wukaneli lebyi taka nyikeliwa hi mun’we wa vakulu va bandla. Tivisa bandla hi malulamiselo lawa ma yentxiwiki mayelanu ni tsima, wukaneli bya ku hlawuleka kun’we Xidzrimuxo. Dzrimuxa vazrezri leswaku va nga hlawula ku va maphayona ya ku pfunisa na va nyikela 15 wa mawora ka tihweti ta Marsu ni Abrili.
