KU HANYA SWANGA VAKRISTE
“Ku Yimelela Ni Ku Seketela Hi Ku Helela” Madzrungula Lamenene
Loko vakaneti va zame ku sivela Vaisrael ku yaka Tempele a vayaki va yentxe hinkwaswu leswi a va swi kota akuva va kuma mpfumelelo wa ku ya mahlweni ni ku yaka. (Ezr 5:11-16) Hi ndlela leyi fanaka namunhla vakriste va tikazratela ku lwela timfanelo tavu akuva va zrezra madzrungula lamanene. (Flp 1:7) Hi kola ka leswo, hi 1936 ku vumbiwe a Xihubyana xa Timhaka ta Nawu, a Ntsindzra wa Misava Hinkwayu. Namunhla, Ntsindzra wa Misava Hinkwayu wu hlela ni ku lulamisa timhaka leti yelanaka ni Mfumu a misaveni hinkwayu, hi ku tizrisa Xihubyana xa Timhaka ta Nawu. Xana xihubyana lexi xi pfune hi ndlela yini akuva ntizro wa Mfumu wu ya mahlweni nakone xi va buyelise hi ndlela yini vhanu va Xikwembu Nkulukumba?
HLALELANI VHIDIYU LEDZRI LIKI KU YENDZRELA XIHUBYANANA XA TIMHAKA TA NAWU XA MISAVA HINKWAYU NTSRHAKU MI HLAMULA SWIVUTISO LESWI LANDZRELAKA:
-
He swini swin’we swa swikazratu leswi Timboni ta Yehovha ti kumaniki na swone?
-
He kwini ku hlula ka le nawini loku hi viki na kone? Nyikela xikombiso
-
I yini leswi mun’wana ni mun’wana a nga swi yentxaka akuva a “yimelela mfanelo” yezru ya ku zrezra madzrungula lamanene?
-
Xana hi nga dzri kumisa kuyini dzrungula ka pajina dzrezru ledzri yelanaka ni timhaka ta le nawini ni nxaxamelo wa mavito ya vamakwezru lava pfaleliwiki hi kola ka lipfumelo dzravu?
