Vamakwezru va tizra hi nkhinkhi akuva va lulamisela swikombiso swa ku bula hi Bibele, nakone vamakwezru vanyingi va swi vone na swi pfuna ngopfu ku swi tizrisa a nsin’wini. Nambitanu, a swiyimu a swi fani, xileswo vazrezri va ntsrhunxekile ku swi txintxa akuva swi yelana ni swivileleko swa nsimu yavu. Kambe, hinkwezru hi fanela ku landzra swileleto swa tsima dzra ku hlawuleka. Nkongometo wezru i ku hetisisa xileleto xa Yesu xa ku zrezra madzrungula lamanene ya Mfumu.—Mt 24:14.

Loko u yaveliwe ku hamba xiyenge xa xidondzro xa Bibele, a vazrezri va fanela ku bula hi mhaka leyi nga ka xikombiso xa ku bula hi Bibele xi nga ka Xibukwana Xa Ntlhanganu Wa Wutomi Ni Wutizreli. Nambitanu, loko ku kombisiwe mhaka yimbeni, muzrezri a ntsrhunxekile ku tihlawulela xivutiso lexi hambaniki, tsralwa kumbe xivutiso xa ku hamba mpinda leswi tizraka a nsin’wini yenu. Ku ntxintxa loku ku yelana ni nkongomiso lowu nga ka ka tlula 8 ka Xibukwana Xa Ntlhanganu xa Junyu wa 2020.