29 Ka Julhu–4 Ka Agoxto
AMAPSALMA 69
Lisimu 13 Ni Xikhongoto | Mazritu Ya Ku Pfula (1 min.)
1. Leswi Swi Humeleliki A Wuton’wini Bya Yesu A Swi Profetiwile Ka Buku Dzra Amapsalma 69
(10 min.)
Yesu a a nyenyiwa na ku nge na xivangelo (Ps 69:4; Yh 15:24, 25; Sentinela 15/08/2011 p. 11 § 17)
Yesu a a hisekela yindlu ya Yehovha (Ps 69:9; Yh 2:13-17; Sentinela 15/12/2010 p. 8 §§ 7-8)
Yesu a twe ku vavisa lokukulu nakone va mu nyike vhinyo ledzri txheliwiki mintxhumu ya ku bava ngopfu (Ps 69:20, 21; Mt 27:34; Lk 22:44; Yh 19:34; Despertai! 22/10/1995 p. 31 § 4; Perspicaz vol-2 p. 660)
XIVUTISO XA KU YANAKANYISISA HA XONE: Ha yini Yehovha a patsre wuprofeta mayelanu na Mesiya ka Matsralwa ya Xiheberu?
2. Tindzralama Ta Moya
(10 min.)
-
Ps 69:30, 31—Xana tindzrimana leti ti hi pfunisa kuyini ku yampswisa ndlela leyi hi khongotaka ha yone? (Sentinela 15/01/1999 p. 18 § 11)
-
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Ka Bibele
(4 min.) Ps 69:1-25 (th dondzro 2)
4. Ku Lehisa Mbilu—Leswi Yesu A Swi Yentxiki
(7 min.) Ku bulisana ni vayingiseti. Txhaya VHIDIYU, mi gama mi bulisana hi xibukwana lexi liki Zrandzra vhanu dondzro 8 mhaka 1-2.
5. Ku Lehisa Mbilu—Yetisela Yesu
(8 min.) Mabulu lama seketeliwiki ka xibukwana lexi liki Zrandzra vhanu dondzro 8 mhaka 3-5 ni “Tlhela U Vona”.
Lisimu 134
6. Swivileleko Swa Bandla
(5 min.)
7. Minsinya Ya Milawu Leyi Nga Ha Tizrisiwaka Ka Wugandzreli Bya Ndangu Bya Ni Madambu
(10 min.) Ku bulisana ni vayingiseti.
Hi Janeru wa 2009, Xidondzro Xa Buku Xa Bandla xi patsriwe ni Xikola Xa Wutizreli Bya Mfumu ni Ntlhanganu Wa Ntizro swi va ntlanganu wun’we wa makazri ka vhiki. Leswi swi pfulele mindangu mukhandlu wa kuva va va ni wugandzreli bya ndangu bya ni madambu. Vanyingi va dzri tlhangele ngopfu lulamiselo ledzri dzra ku va ni wugandzreli bya ndangu bya ni madambu ledzri va pfuniki ku va kusuhi na Yehovha ni kuva va va ni xighanu.—Dt 6:6, 7.
I yini leswi nga pfunaka tinhloko ta mindangu akuva ti va ni wugandzreli bya ndangu lebyinene?
-
Byi yentxani nkama ni nkama. Loko swi koteka, tibekelani nkama wa ku va ni wugandzreli bya ndangu vhiki ni vhiki. Hlawulani siku dzrimbeni akuva loko swi nga koteki ku va ni wugandzreli hi siku ledzi mi dzri bekisiki mi ta pfaleta ha dzrone
-
Tilulamiselani. Vutisa nsati waku, nakone minkama yimbeni vutisa vana leswi mi nga swi dondzraka ka wugandzreli byenu. Ku tilulamisela a swi sindzrisi ku teka nkama wa ku leha ngopfu, ngopfungopfu loko ndangu wu talisa ku yentxa leswo vhiki ni vhiki
-
Hamba xiyimiso hi ku ya hi swiyimu swa ndangu waku. Loko vana va ya va kula, a swivileleko ni wuswikoti byavu swa txintxa. Xiyimiso lexo xi fanela ku pfuna xizro xin’wana ni xin’wana xa ndangu akuva xi va ni lipfumelo ledzri tiyiki
-
Yentxa leswaku nkama lowo wu va lowu nyonxisaka. Minkama yimbeni pfanani mi ya dondzra handle loko maxela ma pfumela. Loko swi vileleka mi nga pfana mi sekelekanyana mi tiwolola kumbe mi ya xikoti. Loko vana va vona ku li nkama wunene wa kuva ku buliwa hi swikazratu leswi va kumanaka na swone, u nga tizrisi wugandzreli bya ndangu akuva u va laya
-
Txintxatxintxani mayentxela. Hi xikombiso, mi nga ha patsra ku lulamisela mintlhanganu ya bandla leyi landzrelaka, mi hlalela ni ku bulisana hi mavhidiyu lama nga ka jw.org kumbe ku lulamisela swingeniso swa nsimu. Nambileswi ku bulisana ku nga xiyenge xa lisima ka Wugandzreli Bya Ndangu Bya Ni Madambu, xizro xin’wana ni xin’wana xa ndangu xi fanela ku ti nyika nkama wa ku ti hambela xindondzro xa ximhunu
Bulani hi xivutiso lexi:
-
Xana u sama u dzringisa ku tizrisa swindzringanyeto leswi nga lani henhla, hi ndlela yini?
