• Tizrisa madiresawu yaku. Loko u vona leswaku swi ta va swi nge swinene ku tsrala diresawu dzraku, u nga ha tizrisa diresawu dzra Yindlu Ya Mfumu loko vakulu va ku nyika mpfumelelo. Nambitasu, U NGA txhuki u tizrisa diresawu dzra zrwavi swanga diresawu dzraku.

• Tizrisa vito dzrakwe loko u dzri tiva. Leswo swi ta yentxa leswaku a nga yanakanyi leswaku i papela dzra swinavetiso.

• Xiyisisa matsralela lama faneliki, mavitanela ya mazritu ni mimfungu ya matsralela. A papela dzri fanela kuva ledzri hlelekiki dzri nga li hi ndlela ya futa. Loko u tsrala hi voko, dzri tsrale hi ndlela leyi nabyalaka ku dzri dondzra. Tsrala hi ndlela ya xitxhavu.

Papela dzra xikombiso ledzri hlayiwiki dzri vulavula hi swiyenge leswo. A swi djuli ku hlaya leswaku u fanela ku dzri tsralisa xileswi nkama ni nkama loko u tsralela mhunu ka teritoriyu dzrenu. Tsrala papela dzraku hi ku ya hi nkongometo wa dzrone ni swiyimu swa mbangu wa kone.