HA YINI SWI LI SWA LISIMA: Vanyingi va lava fiki mahlu a va titwi ha hombe loko va yendzreliwa hi lava nga va tivikikiki. Xileswo, swi djula hi va ni wuswikoti kuva hi va zrezrela. Yehovha awa zron’weka hi vhanu lava fiki mahlu. (Lv 19:14) Hi nga mu yetisela hi ku djula tindlela ta ku va pfuna hi tlhelo dzra moya.

MAYENTXELA YA KONE:

• ‘Djuletela’ lava fiki mahlu. (Mt 10:11) Xana u tiva mhunu lwa nga ni xaka ledzri fiki mahlu? Xana a nsin’wini yaku ku ni xikola kumbe mimbangu ya lava fiki mahlu lava a va ta nyonxela ku yamukela mabuku ya swifamahlu?

• Kombisa ku zron’weka kwaku. Xinghanu ni ku zron’weka kwaku ka hakakunene ku ta pfuna lwa fiki mahlu kuva a ntsrhunxeka. Dzringisa ku bula na yene hi mintxhumu leyi tolovelekiki mugangeni

• Nyikela mpfunu hi tlhelo dzra moya. Akuva ku pfuniwa lava fiki mahlu kumbe lava nga vonikiki ha hombe, nhlengeletanu yi hambe mabuku ya ku hambana-hambana. Mu vutise ndlela leyi a nyonxelaka ku dondzra ha yone. Mulaviseli wa ntizro a fanela ku tiyiseka leswaku a mabuku lama kombeliwaka ma yelana ni xivileleko xa mhunu lweyo