Lembe ni lembe hi hamba minzamu ya ku zrambela vhanu va le nsin’wini yezru akuva va nhlengemela na hine a xidzrimuxweni. Matsrhan’wini ya ku zramba vayakelani vezru ntsena, hi tlhela hi zramba ni lava hi va tivaka, vanghanu ni maxaka yezru. Swa nabyala kuva mhunu a ya xidzrimuxweni loko a zrambiwa hi lweyi a mu tivaka. (Buku Ya Lembe 2008 p. 11 § 3 ni p. 14 § 1) Hi vamani lava u nga va zrambaka?

• Maxaka

• Vatizri kuloni ni vadondzri kuloni

• Vayakelani

• Swidondzrana swa Bibele, lava samiki va dondzra kumbe timpinda

Matsrhan’wini ya leswo, vakulu va ta zramba lava holiki hi tlhelo dzra moya. Swi nga kuyini loko lwe u djulaka ku mu zramba a nga tsrhami ka muganga waku? U nga kuma mbangu ni nkama wa mintlhanganu lowu nga kusuhi naye ka jw.org, hi ku deketa la ku liki MAYELANA NA HINE (a henhlanyana ka pajina) u gama u ya la ku liki “Xidzrimuxo”. Swanga xiyenge xa ku tilulamiselela siku ledzri dzra lisima dzrikulu, yanakanya hi lava u nyonxelaka ku va zramba kutani u va heleketela xizrambu ha byaku.