29 Ka Abrili–5 ka Mayu
AMAPSALMA 34-35
Lisimu 10 Ni Xikhongoto | Mazritu Ya Ku Pfula (1 min.)
1. “Ndzri Ta Nkhensa Yehovha Hi Minkama Hinkwayu”
(10 min.)
Davhida a dzrumise Yehovha nambiloko a langusana ni swikazratu (Ps 34:1; Sentinela 01/03/2007 p. 22 § 11)
Davhida minkama hinkwayu a a vulavula ha hombe hi Yehovha, ku nga li hi yene (Ps 34:2-4; Sentinela 01/03/2007 p. 22 § 13)
Mazritu ya ku dzrumisa ya Davhida ma tiyise vanghanu vake (Ps 34:5; Sentinela 01/03/2007 p. 23 § 15)
Ntsrhaku ka loko Davhida a huluxiwile ka Abimeleki, 400 wa vavanuna lava va tsrhikiki Sawulo va tipatsre na yene a huleni. (1Sa 22:1, 2) Swi nga yentxeka Davhida a a yanakanya ha vone loko a tsrala a buku ledzri dzra Amapsalma.—Ps 34, xinhlokwanamhaka.
TIVUTISE: ‘Ni nga mu dzrumisisa kuyini Yehovha hi mabulu yanga ka ntlhanganu lowu landzrelaka?’
2. Tindzralama Ta Moya
(10 min.)
-
Ps 35:19—Xana swi tlhamuxela yini kuva Davhida a kombele kuva Yehovha a nga pfumeleli valala vake va ‘tsrhunyeta hi mahlu’ kumbe ku mu poyila? (Sentinela 15/05/2006 p. 20 § 2)
-
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Bibele
(4 min.) Ps 34:1-22 (th dondzro 5)
4. Ku Sungula Mabulu
(2 min.) KU NYIKELA WUMBONI BYA XITXHUKETA. A bulu dzri hela na u nge si nyikela wumboni. (Zrandzra Vhanu dondzro 1 mhaka 4)
5. Ku Hamba Timpinda
(4 min.) KU NYIKELA WUMBONI BYA XITXHUKETA. (Zrandzra Vhanu dondzro 2 mhaka 4)
6. Ku Tlhamuxela Leswi U Kholwaka Ka Swone
(5 min.) Nkombiso. Swivutiso Leswi Talaka Ku Vutisiwa ndzr. 59— Nhlokomhaka: I Yini Lexi Nga Pfunaka Timbhoni Ta Yehovha Ku Tiva Leswaku Xana Ti Fanelile Ku Tlangela Maferiyadu Kumbe Imhim? (th dondzro 17)
Lisimu 59
7. Tindlela Tizrazru Ta Kuva Hi Dzrumisa Yehovha A Mintlhanganwini
(15 min.) Ku bulisana ni vayingiseti.
Hi ni mikhandlu yinyingi ya ku dzrumisa Yehovha a mintlhanganwini. A hi voneni tindlela tizrazru.
Mabulu: Vulavula hi wunene bya Yehovha loko u bula ni van’wana. (Ps 145:1, 7) Xana u yingele kumbe u dondzre mhaka ya kukazri leyi ku pfuniki hi ku kongoma? U ve ni mfambu wa ku nyonxisa a ntizrweni wa nsimu? Xana makwezru a hlaye kumbe ku yentxa ntxhumu wa kukazri lowu ku kutxiki? Xana u vone ntxhumu wa kukazri ka ntumbuluku lowu ku hlamalisiki? Hinkwaswu leswo i tinyiko ta Yehovha. (Yk 1:17) Tikazrateli ku tlhasa na ka ha li nkama akuva u ta bula ni van’wana na mintlhanganu yi nga si na sungula.
Tinhlamulo: Tikazratele ku nyikela nambi ko va nhlamulo yin’we ka ntlhanganu wun’wana ni wun’wana. (Ps 26:12) U nga ha nyikela nhlamulo leyi kongomiki ya xivutiso, ku tlhamuxela leswi yengetelekiki, ndzrimana, ku tlhamuxela swifaniso kumbe ndlela leyi hi nga swi tizrisaka ha yone a wuton’wini byezru leswi hi swi dondzraka. Dzrimuka leswaku swi nga yentxeka van’wana va tlakula voko hi nkama wun’we na wene, xileswo, tikazratele ku lulamisela tinhlamulo ta tinyingi. Loko hi nyikela tinhlamulo hi fanela ku tikazratela kuva hi nga heti 30 wa masegundu kumbe hi yi nyikela ndzreni ka 30 wa ma segundu, leswo swi ta yentxa leswaku van’wana va kuma mukhandlu wa ku nyikela “gandzrelo dzra xidzrumiso ka Xikwembu Nkulukumba”.—Hb 13:15.
Tinsimu: Yimbelela tinsimu a mitlhanganwini hi mbilu hinkwayu. (Ps 147:1) Swi nga yentxeka u nga vi na mukhandlu wa ku hlamula ka mintlhanganu hinkwayu, ngopfungopfu ka mabandla ya makulu, kambe minkama hinkwayu u nga patsreka ka ku yimbelela tinsimu. Nambiloko u titwa ingiki a wu swi koti ku yimbelela ha hombe, loko u yentxa leswi nga ntawn’wini waku, u nga tiyiseka leswaku Yehovha awa nyonxa. (2Ko 8:12) U nga tilulamisela hi ku titoloveta ku yimbelela na wa ha li kaya.
Txhaya VHIDIYU ledzri liki Matimu Yezru—Nyiko Ya Lisimu, Xiyenge 1. U gama u hamba xivutiso lexi landzrelaka ka vayingiseti.
Ku sukela a ku sunguleni ka matimu ya nhlengeletanu, hi swi kombisa hi ndlela yini leswaku ku yimbelela swidzrumiso ka Yehovha i swa lisima?
