Xilayu i ku dondzrisa, kambe minkama yimbeni swi nga ha patsra ni xikhatiso. Yehovha a hi nyika swilayu akuva hi mu gandzrela hi ndlela leyi fanelekiki. (Ro 12:1; Hb 12:10, 11) Minkama yimbeni ku layiwa swi nga ha vavisa, kambe swi hi pfuna ku famba hi ku lulama ni ku hi tisela matovoko. (Pr 10:7) I yini leswi lava va nyikiwaka ni lava va nyikelaka xilayu va fanelaka ku va na swone a miyanakanywini?

Lweyi a xi nyikelaka. Vakulu, vapswele ni vambeni va tikazratela ku nyikela xilayu hi ndlela leyinene ni hi lizrandzru hi lani Yehovha a yentxaka ha kone. (Yr 46:28) Nambi xilayu lexi vavisaka xi fanela ku nyikeliwa hi lani swi vilelekaka ha kone ni hi lizrandzru.​—Ti 1:13.

Lweyi a nyikiwaka. Swi nge na mhaka leswaku xi nyikelisiwa kuyini xilayu xolexo, a hi fanelanga ku xi bakanya kambe hi ta tikazratela ku xi tizrisa hi ku kahlula. (Pr 3:11, 12) Swanga vhanu va ku kala ku hetiseka, hinkwezru hi djula xilayu lexi pfaka hi tindlela ta ku hambanahambana. Hi nga ha layiwa hi leswi hi swi dondzraka a Bibeleni kumbe leswi hi swi twaka a mintlhanganwini ya bandla. Kumbe minkama yimbeni van’wana va vilela xilayu lexi pfaka ka xihubyana xa wuyavanyisi xa bandla. Loko hi yamukela xilayu hi va hi xi tizrisa, hi ta va ni wutomi lebyinene nakone hi ta hanya hi lani ku nga helikiki a nkameni lowu taka.​—Pr 10:17.

HLALELANI VÍDEO LEDZRI LIKI “LWEYI YEHOVHA A MU ZRANDZRAKA AWA MU LAYA”, MI GAMA MI HLAMULA SWIVUTISO LESWI LANDZRELAKA:

• Xana wutomi bya Canon byi sungulise kuyini, nakone byi txintxe hi ndlela yini?

• Xana a pfuniwe hi ndlela yini akuva a tlhelela ka Yehovha?

• Hi nga dondzra yini ka leswi mu humeleliki?