Swanga vhanu va ku kala ku hetiseka, minkama hinkwayu hi fanela ku lwisana ni ku navela ka ku yentxa swa ku biha. Loko hi tsrhika ku navela ka ku biha ku hi fuma, hi ta luzekeliwa hi wuxaka byezru na Yehovha. Hi xikombiso, van’wana va zrangisa ku da, ku yambala ni mbangu wa ku tsrhama ka wone a matsrhan’wini ya ku zrandzra Yehovha. Van’wana va tinyonxisa hi swa tinkuku va dzrivala ni minsinya ya milawu ya Xikwembu Nkulukumba hi ku helela. (Ro 1:26, 27) Vambeni va pfumela ku kutxeteliwa hi vanghanu hi ku djula ku zrandzriwa.—Eks 23:2.

Hi nga yentxa yini akuva hi nga lawuliwi hi ku navela ka ku yentxa swa ku biha? Hi fanela ku tihita hi yentxa leswi swi nyonxisaka Yehovha. (Mt 4:4) Nakone hi fanela ku kombela Yehovha a hi pfuna ku lawula ku navela kwezru. Hi mhaka muni? Hi mhaka yene awa swi tiva leswi nga swa lisima kwezru nakone awa yi tiva ndlela leyinene ya ku yanelisa ku navela kwezru.—Ps 145:16.

HLALELANI VÍDEO LEDZRI LIKI U NGA HONI WUTOMI BYAKU HI KU DZRAHA, MI GAMA MI HLAMULA SWIVUTISO LESWI LANDZRELAKA:

• Ha yini vhanu vambeni va dzraha?

• He wani makhombo ya ku dzraha?

• Ha yini ku dzraha swi bihile?

• U nga yentxa yini akuva u nga dzrahi nambi kuva u tsrhika ku dzraha?