KU HANYA SWANGA VAKRISTE
Xana U Tilulamiselile Ku Lavisana Ni Mhangu Ya Ntumbuluku?
A hi hlamali loko hi vona ku wa ka ekonomiya a misaveni. Hi mhaka muni? Hikusa hi hanya a wugan’wini bya masiku ya wugamu nakone Bibele dzri hi tsratsriya kuva hi nga dumbi ‘wukosi lebyi nga tiyikikiki’. (1Tm 6:17; 2Tm 3:1) Xana xikombiso xa hosi Yehoxafati xi nga hi pfuna ku lavisana ni ku wa ka ekonomiya hi ndlela yini?
Loko Yehoxafati a txhaviseliwa hi valala a dumbe Yehovha. (2Mk 20:9-12) Yehoxafati a nga tsrhamanga hi mavoko kambe a yentxe xa kukazri akuva a lulamisela tiko na ke he nkama, a tiyise madoropa ni ku lulamisela masotxha. (2Mk 17:1, 2, 12, 13) Ku fana na Yehoxafati, i swinene kuva hi dumba Yehovha ni kuva hi tilulamisela na ke he nkama akuva hi lavisana ni swiyimu swa ku kazrata.
HLALELANI VHIDIYU LEDZRI LIKI U TILULAMISELILE KU LAVISANA NI MHANGU? MI GAMA MI HLAMULA SWIVUTISO LESWI LANDZRELAKA:
-
I yini leswi mun’wana ni mun’wana wezru a nga swi yentxaka akuva a tilulamisela ku lavisana ni mhangu?
-
Hi nga tilulamisela hi ndlela yini akuva hi pfuna van’wana?
