27 Ka Mayu–2 Ka Junyu
AMAPSALMA 42-44
Lisimu 86 Ni Xikhongoto | Mazritu Ya Ku Pfula (1 min.)
1. Tikholise Hi Tidondzro Ta Xikwembu Nkulukumba
(10 min.)
Londzrovota mikhandlu hinkwayu akuva u gandzrela Yehovha na u ni van’wana, ngopfungopfu hi xivizri loko swi koteka (Ps 42:4, 5; Sentinela 01/06/2006 p. 9 § 4)
Khongota na u nga si dondzra Zritu dzra Xikwembu Nkulukumba (Ps 42:8; Sentinela 15/01/2012 p. 15 § 2)
Pfumelela kuva mintiyiso ya Bibele yi kongomisa hinkwaswu leswi u swi yentxaka a wuton’wini byaku hinkwabyu (Ps 43:3)
A tidondzro ta Xikwembu Nkulukumba ta hi tiyisa akuva hi kota ku lavisana ni swikazratu ni ku hetisisa xidumbiso xa ku tizrela Yehovha hi lani ku nga helikiki.—1Pe 5:10; Sentinela 09/2016 p. 5 §§ 11-12.
2. Tindzralama Ta Moya
(10 min.)
-
Ps 44:19—Xana xi tlhamuxela yini xiga lexi liki ‘mbangwini wa mabuwana’? (Perspicaz vol-1 p. 479
-
He tini tindzralama ta moya leti u ti kumiki a ku dondzreni ka Bibele ka vhiki ledzri?
3. Ku Dondzra Bibele
(4 min.) Ps 44:1-26 (th dondzro 11)
4. Ku Sungula Mabulu
(4 min.) HI MUTI NI MUTI. Mu kombele ku mu fambisela xidondzro xa Bibele. (Zrandzra Vhanu dondzro 5 mhaka 5)
5. Ku Hamba Timpinda
(5 min.) HI MUTI NI MUTI. Mu zrambe akuva a hlalela wukaneli bya le livaleni lebyi landzrelaka. Tlhamuxela vhidiyu ledzri liki: Ku Yentxeka Yini A Ndlwini Ya Nfumu? (Zrandzra Vhanu dondzro 7 mhaka 5)
6. Wukaneli
(3 min.) Zrandzra Vhanu xiyengetelo A mhaka 4—Nhlokomhaka: Hinkwavu Va Ta Va Ni Lihanyu Ledzri Hetisekiki. (th dondzro 2)
Lisimu 21
7. Teka Swiboho Swa Wutlhazri Mayelanu Ni Ntizro Ni Tidondzro
(15 min.) Ku bulisana ni vayingiseti.
Vampshwa, xana mi kunguhata leswi mi taka swi yentxa loko mi heta xikole? Swi nga yentxeka mi yanakanya hi ntizro wa kukazri lowu taka mi pfumelela ku tizra swanga maphayona. Kumbe mi yanakanya hi kursu dzra kukazri ledzri taka mi nyika wuswikoti kumbe diploma ledzri taka mi pfuna ku kuma ntizro. Lowu i nkama wa ku nyonxisa a wuton’wini byenu. Kambe mi nga ha kazrateka mi nga xi tivi ni xa ku xi yentxa, hi leswi mavonela ma nga manyingi kumbe hi leswi mi kutxhiwaka ku teka swiboho leswi taka nyonxisa van’wana. I yini lexi nga mi pfunaka ku teka swiboho swa wutlhazri?
Dondzra Matewu 6:32, 33. U gama u hamba swivutiso leswi landzrelaka ka vayingiseti:
-
Ha yini swi li swinene ku va ni makungu ya moya a miyanakan’wini na u nga si teka swiboho swa lisima mayelanu ni ntizro ni tidondzro?
-
Xana vapswele va nga pfuna vanavu hi ndlela yini ku yentxa leswi nga ka Matewu 6:32, 33?—Ps 78:4-7
Tivoneli akuva u nga pfumeleli ku navela wukosi kumbe ndhuma swi kutxetela swiboho swaku. (1Yh 2:15, 17) Dzrimuka leswaku ku va ni mali yinyingi swi nga yentxa leswaku swi kazratela mhunu akuva a yamukela dzrungula dzra Mfumu. (Lk 18:24-27) Loko mhunu a tikazratela ku va ni mali yinyingi, swi ta mu kazratela ku kulisa lipfumelo dzrake ni ku beka miyanakanyu yake ka ku yentxa leswi nyonxisaka Yehovha.—Mt 6:24; Mr 8:36.
Txhaya VHIDIYU ledzri liki: Tivonele Ku Dumba Leswi Helaka!—Wukosi. U gama u hamba xivutiso lexi landzrelaka ka vayingiseti:
-
Xana a buku dzra Amaproverbia 23:4, 5 dzri nga ku pfuna hi ndlela yini ku teka swiboho swa wutlhazri?
