Akuva lava dondzraka Bibele va yanelisa xivileleko xavu xa moya ni kuva va kula hi tlhelo dzra moya va fanela ku dondzra swin’wana ku tlula mintiyiso leyi hi va dondzrisaka ntsena. (Mt 5:3; Hb 5:12–6:2) Nakone va fanela ku dondzra ndlela leyi va nga tidisaka ha yone hi tlhelo dzra moya.

Na wo ho sungula, komba lava u dondzraka na vone Bibele ndlela ya ku lulamisela xidondzro, nakone va kutxe ku va va swi yentxa. (Xibukwana Xa Ntlhanganu xa 03/2018 p. 6) Va kutxe kuva va zranga va hamba xikhongoto na va nge si na sungula xidondzro xa ximhunu. Va pfune akuva va nghena ni ku tizrisa switizro swa eletroniku ka xidondzro xavu. Va tlhamuxele leswaku va nga dondzra ni ku hlalelisa kuyini a mintxhumu leyimpswha leyi humexiwaka ka jw.org ni Wuhaxi bya JW^®. Hi kutsrongokutsrongo, va kombe ndlela leyi va nga dondzraka Bibele siku ni siku ha yone, va lulamisela mintlhanganu ya bandla, ni ndlela ya ku kambisisa tinhlamulo ta swivutiso swavu. Va pfuni kuva va yanakanyisisa hi leswi va swi dondzraka.

HLALELANI VÍDEO LEDZRI LIKI PFUNA LAVA U VA DONDZRISAKA BIBELE AKUVA VA TIDISA HI TLHELO DZRA MOYA, MI GAMA MI HLAMULA SWIVUTISO LESWI LANDZRELAKA:

• Xana Anita a mu pfunise kuyini Judite ku vona leswaku a ku dondzra a hi ku tiva tinhlamulo ntsena?

• I yini lexi pfuniki Judite kuva a kholwa leswaku Yehovha a ni xivangelo lexi twalaka xa ku tsrimbisa ku hamba timhaka ta tinkuku na u nga txhatanga?

• I yini leswi Judite a swi twisisiki mayelanu ni ku yanakanyisisa?