Swikhongoto leswi yamukelekaka swi fana ni muzri wa lisuna wa ku nun’hwela ha hombe lowu a wu hiseliwa Yehovha nkama ni nkama a tempeleni. (Ps 141:2) Loko hi khongota, hi pfula mbilu yezru ka Papayi wezru wa le matilweni hi mu byela leswaku ha mu zrandzra ni ku mu tlangela, hi mu byela leswi hi kazrataka ni leswi hi swi navelaka, ni ku kombela nkongomiso wake. Loko hi yentxa leswi, hi va na hi kombisa leswaku hi byi nyika lisima wuxaka byezru na yene. I ntiyiso ka leswaku Yehovha a vona swikhongoto swa ku goma leswi hi swi hambaka mintlhanganwini swanga xiyenge xiyenge xa lisima a wugandzrelini byezru. Kambe, Yehovha awa nyonxa loko a swikhongotweni swezru swa ximhunu hi titsrhandzra ndlela leyi hi titwaka ha yone ni leswi hi swi pimisaka ni ku vulavula na yene hi nkama wa ku leha!—Pr 15:8.

HLALELANI VHIDIYU LEDZRI LIKI NI TINYIKETELE KA XIKHONGOTO, MI GAMA MI HLAMULA SWIVUTISO LESWI LANDZRELAKA:

• He yini ndjombo leyi makwezru Johnson a viki na yone a ntizrweni wa Yehovha?

• Xana makwezru Johnson a swi kombisise kuyini leswaku a xikhongoto a xi li xa lisima a wuton’wini byake?

• U dondzra yini ka mfambu wa makwezru Johnson?