Yesu a a zrezra ‘evhangeli dzra Mfumu wa Xikwembu Nkulukumba’. (Lk 4:43) A tlhele a dondzrisa vhanu kuva va khongota hi Mfumu lowu. (Mt 6:9, 10) Ka wheti ya Novhembru, hi ta tikazrata swinene kuva hi haxa dzrungula ledzri mayelanu ni Mfumu wa Xikwembu Nkulukumba. (Mt 24:14) Lulamisa xiyimu xaku akuva u hlengemela hi xitalu ka tsima ledzri. Hinkwavu lava taka tizra swanga maphayona ya ku pfunisa va nga nyikela 30 kumbe 50 wa mawora hi wheti leyi.

Dondzrela vhanu vanyingi ka nsimu yaku a tsralwa mayelanu ni Mfumu wa Xikwembu Nkulukumba hi la u nga kotaka ha kone. Loko u hlawula tsralwa, swi tekeli nhlokweni leswi vayingiseti vaku va kholwaka ka swone. Loko u kuma mhunu lwe a nyonxelaka ka liyendzro dzra ku sungula, mu nyike Xihondzro Xa Ku Zrindzra xa N.° 2 xa 2020. U gama u mu phindelela hi ku kahlula nakone u dzringisa ku sungula xidondzro xa Bibele hi ku tizrisa buku ledzri nga ka Switizro Swezru Swa Ku Dondzrisa Ha Swone. Ku nga li khale Mfumu wa Xikwembu Nkulukumba wu ta helisa mimfumu hinkwayu ya vhanu leyi lwisanaka na yene. (Dn 2:44; 1Ko 15:24, 25) Hi ndlela leyo, hi nga londzrovota mukhandlu lowo kuva hi kombisa ku dumbeka ka Yehovha ni Mfumu wakwe!