Akuva mutsrutsrumi a tama a va ni wuswikoti ku tsrutsrumeni kwake, a fanela ku tsrhamela ku titoloveta nkama ni nkama. Hi la ku fanaka, na hine hi fanela ku tikazratela ku tama hi tidondzrisa ku tizrisa wuswikoti byezru bya ku twisisa. (Hb 5:14) I ntiyiso leswaku minkama yimbeni swi nabyalile ku yetisela leswi vambeni va titsrimbelaka ku swi yentxa, kambe i swa lisima kuva hi dondzra ku pimisa ni ku titekela swiboho ha wuswezru, hikusa mun’wana ni mun’wana a ta tiyangulela hi nkonta ya swiboho leswi a swi tekaka.—Ro 14:12.

A hi fanelanga hi tibyela leswaku hi nga titekela swiboho leswinene hi leswi hi nga ni malembe manyingi na hi babatisiwile. Akuva hi kota ku titekela swiboho leswinene hi fanela kuva nkama hinkwawu hi dumba Yehovha, Bibele ni nhlengeletanu yake.—Yš 1:7, 8; Pr 3:5, 6; Mt 24:45.

HLALELANI VÍDEO LEDZRI LIKI “VANA NI LIPFALU LEDZRINENE”, MI GAMA MI HLAMULA SWIVUTISO LESWI LANDZRELAKA:

• I xiyimu muni lexi Ana a kumaniki na xone?

• Ha yini swi bihile ku hlaya leswi wene a wu ta swi yentxa loko swi ta mhakeni ya lipfalu?

• Hi xini xilayu lexinene lexi vatekani lava kuliki hi ntanga va xi nyikiki Ana?

• Xana Ana a dzri kume kwini dzrungula ledzri a a dzri vilela akuva a titekela xiboho?