Loko swi kazrata ku kuma ntizro wa ku tihanyisa swi nga ha hi bindzrela ku zrangisa Mfumu ni ku lulama ka Xikwembu Nkulukumba a wuton’wini byezru. Hi nga ha dzringeka ku pfumela mintizro leyi nga hi sivelaka ku tizrela Yehovha kumbe leyi lwisanaka ni minsinya ya milawu ya Bibele. Nambitanu, hi nga tiyiseka leswaku Yehovha a ta tizrisa ntamu wake ‘ku lwela lava mu dumbaka hi timbilu tavu hinkwatu’. (2Mk 16:9) A ku na ntxhumu lowu nga sivelaka Papayi wezru wa lizrandzru akuva a hi pfuna ni ku hi nyika leswi hi swi vilelaka. (Ro 8:32) Kutani ke, loko hi hamba swiboho mayelanu ni ntizro, hi fanela ku dumba Yehovha ni ku tama hi mu tizrela.—Ps 16:8.

HLALELANI VÍDEO LEDZRI LIKI TIZRELA YEHOVHA HI MBILU HINKWAYU, MI GAMA MI HLAMULA SWIVUTISO LESWI LANDZRELAKA:

• Ha yini Jonas a yale ku xaviwa?

• Xana Ba-le-Kolosa 3:23 yi nga tizrisa kuyini ka hine?

• Xana xikombiso lexinene xa Jonas xi mu khumbise kuyini Thomas?

• Xana Matewu 6:22 yi nga tizrisa kuyini ka hine?