Xana wa ma nyonxela mavhidiyu ni swivutiso swa ku yanakanyisisa ha swone swi nga ka buku ledzri liki Hanya Hi Ku Nyonxa!? Swi li yini hi swiyenge leswi liki “Van’we Va Li”, “Lwela leswi” ni “Handzrisisa”? Hi xini xiyenge lexi u vonaka leswaku xi pfuna ngopfu a ntizrweni wa ku yentxa vadondzrisiwa?—Mt 28:19, 20.

Mavhidiyu Ni Tinhlokomhaka: Loko u hlawula ku fambisa xidondzro xa Bibele hi buku ledzri gandlisiwiki, u nga ma kumisa kuyini mavhidiyu ni tinhlokomhaka tin’wana hi ku nabyala ka mbangu wun’we? Ka buku dzra eletroniku, hlawula xiyenge xin’we ka leswa mune. A hansi ka nxaxamelo wa tinhlokomhaka ta swidondzro, u nga hlawula mavhidiyu ya xidondzro lexi mi nga ka xone. (Vona mufoto 1.)

Matizrisela Ya “Buku Ledzri Gandlisiwiki”: Loko a li leswaku u dondzra ni mhunu hi ku tizrisa buku dzra eletroniku, minkama yimbeni u nga vona na swi pfuna ngopfu ku tizrisa buku ledzri gandlisiwiki nkama lowu mi dondzraka. Ka xidondzro, deketa ka 3 wa swipontinywana hala henhla u va u hlawula lana ku liki “Printed Edition” (Buku Ledzri Gandlisiwiki). Leswi swi nga ku pfuna ku twisisa leswaku he kwini ku yelana ka mhaka hinkwayu leyi mi bulaka ha yone ni nhlokomhaka ya xidondzro. Akuva u tlhelela ka buku dzra eletroniku tlhela u deketa 3 wa swipontinywana u hlawula lana ku liki “Digital Edition” (Buku Dzra Eletroniku).

“Xana Ni Lulamile?”: Mabokisi lama nga wugan’wini ka buku ma kombisa leswi u faneliki ku swi yentxa akuva u faneleka ku zrezra ni bandla ni ku babatisiwa. (Vona mufoto 2.)

Dondzra Swin’wana: A xiyenge Dondzra Swin’wana xi nyikela ntlhamuxelo lowu yengetelekiki mayelanu ni tinhla ta lisima. Ka buku dzra eletroniku a wugan’wini bya mhaka yin’wana ni yin’wana ka Dondzra Swin’wana ku ni link ledzri loko u deketa dzri ku tlhelisaka ka nhlokomhaka leyi a wu li ka yone. (Vona mufoto 2.)