KU SUNGULA MABULU
DONDZRO 5
Ku Vulavula Hi Ndlela Leyinene
Nsinya wa nawu: “Minkama hinkwayu a mazritu yenu a ma vi lawa ma nyonxisaka.”—Kol. 4:6.
Leswi Pawulo A Swi Yentxiki
1. Hlalela VHIDIYU, kumbe u dondzra Mintizro 17:22, 23, u gama u hlamula swivutiso leswi landzrelaka:
-
Xana Pawulo a titwise kuyini loko a vona swihena swa wukhongoti bya madzrimi a Atena?—Vona Mintizro 17:16.
-
A matsrhan’wini ya kuva a sola vhanu va le Atena, xana Pawulo a ve ni mavulavulela lamanene a tlhela a tizrisa leswi a va swi kholwa akuva a va zrezrela hi ndlela yini?
Hi Dondzra Yini Ka Xikombiso Xa Pawulo?
2. Vhanu va ta titwa na va ntsrhunxekile ku hi yingiseta loko hi hlawula ha hombe leswi hi taka swi hlaya, ndlela leyi hi swi hlayaka ha yone ni nkama lowu hi swi hlayaka ha wone.
Yetisela Pawulo
3. Hlawula ha hombe mazritu. Hi xikombiso, loko u bula ni mhunu lweyi a nga liki mukriste, kumbexana swi nga ha djula u txintxa ndlela leyi a wu ta bula ha yone hi Bibele kumbe ha Yesu Kriste.
4. U nga tekeli ku mu laya. Mu yentxi a titwa na a ntsrhunxekile kuva a khanela, u nga phikisane na yene loko a hlaya ntxhumu lowu Bibele dzri wu yalelaka. (Yak. 1:19) Loko u mu yingiseta ha hombe u ta swi kota ku twisisa mavonela yake.—Amapr. 20:5.
5. Loko swi koteka pfumelelana ni mavonela yake nakone mu kulungeli. Swi nga yentxeka a kholwa na swi sukela mbilwini leswaku tidondzro ta wukhongoti byake i ntiyiso. Dzringisa ku bula hi leswi mi pfumelelanaka ka swone, ha katsrongokatsrongo u ya u mu pfuna ku twisisa leswi Bibele dzri swi dondzrisaka.
TLHELA U VONA
Amapr. 25:15; 2 Tim. 2:23-26; 1 Pet. 3:15
