Xana u navela ku susa londzrovoto ledzri yengetelekiki ka xidondzro xaku xa ximhunu? Swidzringanyeto leswi landzrelaka swi nga ku pfuna ku susa londzrovoto nkama lowu u dondzraka.

• Hlawula mbangu lowunene. Hlawula mbangu lowu basiki ni lowu nga ni livaningu lani swi taka ku nabyalela ku dondzra. U nga ha tsrhama menzeni kumbe xikritori kumbe mbangwini lowunene a handle.

• Hlawula mbangu lowu u taka va wuswaku. Yesu a hlawule ku ya khongota “mpundzrwini’’ nakone a ye “mbangwini lowu zruliki”. (Mar. 1:35) Loko swi nga koteki ku va ka mbangu waku wuswaku, byela vandangu waku kumbe lava u tsrhamaka na vone leswaku u ya ku dondzreni nakone va kombele leswkau va nga ku hingeleti nkama lowu u dondzraka.

• Dzringisa kuva u nga hingeleteki. Loko u tizrisa telefone kumbe tablet loko u dondzra, dzri beki ka silensiyu kumbe u deketa ka xivhiyawana akuva dzri nga ku hingeleti hi mamensaji kumbe loko va ku fonela. Loko ku txhuka ku buya ntxhumu wa kukazri a miyanakanywini lowu u vilelaka ku wu yentxa na u dondzra, wu tsrali akuva u wu yentxa hi nkama wumbeni u va u ya mahlweni u dondzra. Loko u txhuka u hingeletekanyana, sekeleka u tigwimbanyana u tlhela u buya u dondzra.