Xana minkama yin’wana swa ku kazratela ku dzrimuka leswi u swi dondzriki? Leswi swi humelela vhanu hinkwavu. I yini lexi nga ku pfunaka? Tlhela u yanakanyisisa hi leswi u swi dondzriki.

Nkama lowu u dondzraka, zama ku yimanyana u yanakanyisisa hi leswi u swi dondzriki. Leswo hi leswi mupostola Pawulo a kutxiki vamakwavu kuva va swi yentxa nkama lowu va dondzraka papela ledzri a va zrumeleliki dzrone. A te: “A yinhlankulu . . . hi leyi.” (Heb. 8:1) Hi ndlela leyo, a va pfune ku twisisa leswi a a swi hlaya ni ku vona ku yelana ka swone.

Kumbexana, ntsrhaku ka loko u dondzrile u nga ha tibekela 10 wa maminutu akuva u yanakanyisisa hi mintxhumu ya lisima leyi u dondzriki ha yone. Loko u nga ha swi dzrimuki ha hombe leswi u swi dondzriki, kumbexana u nga ha lavisa swihlokwanamhaka kumbe ku dondzra mazritu ya ku sungula ka yava dzrin’wana ni dzrin’wana akuva swi ku pfuna ku dzrimuka. Loko u dondzre ntxhumu lowumpshwa, dzringisa ku wu tlhamuxela hi mazritu yaku. Loko u tlhela u yanakanyisisa hi leswi u swi dondzriki, swi ta ku nabyalela ku swi dzrimuka. Nakone u ta tlhela u swi twisisa ha hombe ni ku vona ndlela leyi u nga swi tizrisaka ha yone a wuton’wini byaku.