Kamatama ‘e Janueri 2016, fạ‘ ne ‘os The Watchtower ne nā ofrạu ma ‘on filo‘ het ne ‘ea “What Does the Bible Say?” Tē te‘is ös la hạiasoagan ‘is la kamatan hạifäegaga hün se tē tūtū ma‘oi ‘e Puk Ha‘a. Iạ rēag la tatạu ma ‘os tracts. Ma ‘on sạio‘ het ne fạ‘ ‘e tög ne Ut ne puku, ma pạin hoi‘ȧk tape‘ma la hạifäegag sin.

Hạifäegag lelei ne hün‘ȧk se tē tūtū ma‘oi ‘e Ut ne Puku a‘mou iạ hele‘ la rak Puk Ha‘ het. A‘es‘ao‘ȧk filo fo‘ou hete‘is la hạiasoagan lelea‘ ma‘oi ne vag fak‘ata.—Mat 5:6.

1. Sại‘oa se famör ‘es rī ta ‘on räe se ta sạio‘ het ‘e sại‘o

2. A‘fại sin ma kel‘ȧk ne ‘äe kạu‘ȧk tög ne ‘on sạio‘ heta

3. Hat ut ne pukut ‘e fȧn ne filo‘ heta “What the Bible Says,” ma sạio‘ ne tes tӓe ‘on räe se ut ne puk heta. Kepoi ka iạ ‘oaf la nā ‘on ava, sok‘ȧk ma kikia hạifäeag ta, ‘e la ‘es‘ao‘ȧk ne pạin het ‘e fȧn ne filo‘ heta “What Else Can We Learn From the Bible?”

4. Nā‘ia mekasin ta

5. Fūfū‘ȧk la hö‘ hoi‘ȧk la hạifäegag se ruạ ne sại‘o