‘Is pa ‘es la a‘matan hue ne aier ta ne ‘is hao. (1Kor 3:6) ‘E avat ne ‘is pō e le‘et ne kel‘ạkia ‘on ‘ofa, iạ la lelei la ‘is la rou ta sạio‘ het ne ‘is la pō la hạifäegag sin ‘e avat ne ‘is la hö‘ hoi‘ạki. Te‘is la rē la iạ la noh kạt se ‘os la hö‘ hoi‘ạki ma tape‘ma iạ a‘vavhinen ‘os la ösös se hö‘ hoi‘ȧk ta. ‘E avat ne ‘is la ho‘i e, ‘is la pō la ‘ea se iạ ne ‘is leum la togia sạio‘ het ne ‘is nā ‘e ȧs a‘ mumue ta.

• ‘E avat ne ‘äe osi e tē ne ‘äe la ‘ea ‘e la la‘ ‘e rīit se rīit, laloag‘ȧk ta sạio‘ het ne ‘äe la tög ‘e ‘ou la hö‘ hoi‘ạki. Iạ kop ma sạio‘ het ne ‘on togi täe ‘e pukut ne ‘äe ös la nā. Ne sạio‘ het ne ‘on togi täe ‘e puk het ne ‘es‘ao‘ȧk la rak Puk Ha‘, ne ‘äe ös la nā ‘e avat ne ‘äe la ho‘i e.

• ‘E avat ne ‘äe la a‘vạhi e ‘ou hạifäegag ta ma ta le‘et ne kel‘ạkia ‘on ‘ofa, rak‘ȧk se iạ ne ‘äe la ‘oaf la hạifäegag hoi‘ȧk ma iạ ma täe nā se iạ sạio‘ het ne ‘äe osi. Kepoi ka la pō fȧ‘ ‘on nampa ne telefon ta ne ‘on e-mail ta.

• Kepoi ka ‘äe ‘ea se iạ avat ne ‘äe la ho‘i e, sasap la mou se ‘ou fäeag ta.—Mat 5:37.