Garue rạurạut ma mone ta ‘es‘aoȧk la fū‘ạkia rī ha‘ ne ‘Isireli. Ka lelea‘ ‘Isireli huạg fe‘en la hạiasoagan garue te‘. (1PASạu 29:2-9; 2PASạu 6:7, 8) ‘E avat ne rī ha‘ ta vạhi e, garue a‘lelei tē ne lelea‘ ‘Isireli a‘soko täla kel‘ạkia ‘oris fūfū fak‘ata. (2Sạu 22:3-6; 2PASạu 28:24; 29:3) ‘E terạnit tē ‘i, lelea‘ rot fakKaristo nā pạu ‘oris ava ma ne‘ne‘i la fū‘ạkia ma a‘leleia ‘oris Rī ne Pure‘aga ma Assembly Halls. ‘Os garue ag‘esea ma Jihova ‘e sal te‘is iạ väeag a‘pumuạ‘ạkit ‘e ‘os garue agaga.—Sal 127:1; Kel 7:15.

• A‘ma‘ma‘ tē ‘e vạhiạg ne te‘ ne tạunạ‘i. Kepoi ka ‘ou fūfū kat aier‘ȧk ra, rē ma tē ne ‘äe pō, ‘io la utut ne ‘äe päe la ma‘ma‘ ‘e avat ne ‘äe la rou e.

• A‘ma‘ma‘ ma a‘lelei hạisokoag ne Rī ne Pure‘ag ta. ‘Uhap ma‘oi a‘ririfen ma a‘jeamjeman garue ta.—lv 92-93 ¶18.

• Hạiasoag fak selene. Nāag ne ‘selen mea‘mea‘ he ruạ’ ‘e lal ne ‘os huga te‘is tē a‘värväret se Jihova.—Mar 12:41-44.

• Nā ‘os ava la hạiasoag se fū‘ȧk ma a‘lelei ne Rī ne Pure‘aga ma ut hoi‘ȧk, kepoi ka la pō. ‘Eake ‘äe kop la le‘ majạut la ‘es väega e.