‘E 23 Maji, ‘itạke iris miliön 12 ne sir se‘ la leum se A‘häe‘ạkiạg ta. Iạ la uetnes leleit ‘e avat ne iris la a‘fại se iạ ne maraga la hạifäegag hün se hạitogiạg ta, tēfakhanis ‘on ‘Ạitu se ‘isa ma ạlạlum‘ạkiạg ne famori la agtạu ma ‘e avat ne ‘ut‘utum hün ma se tēfakhanis te‘! (Ais 11:6-9; 35:5, 6; 65:21-23; Jon 3:16) Ka ‘eake iạ ne maraga ‘esea täla nā ta uetnes leleit. ‘Is ‘atakoa la pō la ‘es väeag ‘e ‘os la tȧr ne iris ne la leum. (Rom 15:7) Te‘is tē ne ‘is la pō la rē.

• ‘Eake la päe se ‘os päega ma la tạria av ne prokräm ta la kamata, ka ‘is la tạria iris ne leum ma tape‘ma se iris ne ‘af‘af fak‘ata ‘e ‘ofa ma ‘e ‘os la ‘uạ‘uạ‘ȧk se irisa

• Kop ma ‘äe matạ‘ua iris ne ‘äe ‘ihi, ka ‘äe la pō tape‘ma la matạ‘ se iris ne kop ma leum ‘e rēko ‘os kȧmpein ne ‘ih tē ta. ‘Ih iris la päe ma ‘äe, ma hạiväegan ‘ou Puk Ha‘a ma puk mak ta ma irisa

• ‘E vạhiạg ne marag ta ‘äe la pō la togia ‘oris sại‘o. Kepoi ka ‘ou kạurotuạg ta kop la a‘taf la kạurotuạg hoi‘ạkit la surum, fūfū‘ȧk ta terạnit la ‘äe la ȧs se ia. Kepoi ka ‘äe kat ‘inea ra utut ne iạ noho ne ‘on nampa ta, ‘äe la pō la ‘ea: “Gou pa ‘inea‘ia ne tes tä ‘ou räe se prokräm ta. Ka tei ka ma ‘on salat gou la pō la hạifäegag ma ‘äe?”