Sui‘ȧk tē ta roa‘ia: Se a‘häe ne ‘äe kop la sui‘ȧk tē ‘atakoa ta. Jisu gat ke av ‘es‘ao‘ȧk sạio‘ la pō la famori la rē a‘häe sin, ma tä iris la ‘inea‘ia tē nonoj ne iris la rē. (Mat 17:24-27) ‘E av ne ‘is sạio‘ tē, ‘is a‘ririfan rak ta, ma ‘is täla ‘inea tape‘ma tē ne le‘ rak ta taf se ma ‘on pilifi. (be-E 253 ¶3-4) ‘E av ne la sạio‘ tē, ‘is la tȧr la le‘ rak ta la nā‘ia ‘on togi. Kepoi ka tög ta sir, se ‘eakia se ia tög noj ta. Nā sạio‘ ma kikia la pō la iạ la tög nonoj sạio‘ heta. (be-E 238 ¶1-2) Fäeag ʻe salat ne leʻ rak ta la taf se tē foʻou ne rakʻạki.—be-E 230 ¶4.

Tē ne sui‘ạki noanoa: Matạ‘ la se ‘eakia te‘ ne tē ne ‘äe ‘inea ‘e rēko ta filo‘ het. (Jo 16:12) ‘Iof ma kikia se pạin pumue ta ‘e pärakraf ta. (be-E 226 ¶4-5) Ti‘ ne tē sui‘ạki, aier ma ne iạ pạin leleit, iạ la pō la ‘oroia pạin pumue ta. (be-E 235 ¶3) Höl se pärakraf ne tohim ‘e avat ne le‘ rak ta taf‘ia se pạin pumue ta

Fäeag‘ạkia ma rogrogo: ‘Os ‘amnȧk ta la rue‘ạkia huạg ‘on le‘ rak ta, ‘eake la fäeag‘ạkia ma rogrogo. (Lu 24:32) ‘Es‘ao‘ạkia ne‘ne‘ ne Fäeag ‘on ‘Ạitu ‘e avat ne ‘äe la sui‘ạkia ma ut ne pukut ne ‘es ‘e pạin pumue ta. (2Kor 10:4; Hip 4:12; be-E 144 ¶1-3) ‘Es‘ao‘ȧk fäeag a‘tatạu‘ȧk vavhiạn. (be-E 245 ¶2-4) Rē a‘häe se noanoa ne le‘ rak ta agtạu mar, ma tape‘ma se ‘on pilifi, ma rak‘ȧk tē ‘e salat ne hạitạuạg ma iạ. ‘Ӓe la pō la sạio‘: “Ka tes tä ‘ou räe se tē ne ‘äe rako?” “Ka tes tä ‘is rak ‘e rēko Jihova?” “Ka tes tä ‘on ‘es‘ao ne tạupir se muạ‘ạkiạg te‘?”—be-E 238 ¶3-5; 259 ¶1