Pukut se O‘o‘i

Tes ta tē fakhanis leleit ‘äe la pō la nā se ‘ou lä‘riri‘i? Ma ‘on tē ma‘oi iris kop la ‘es, te‘is laloag‘ȧk, ‘ou hanisi, ‘ou muạ‘ạkiga, ma ‘ou pärega. Tē fakhanis pumuet ‘äe la pō la nā se irisag, ta‘ag la ‘inea‘ia Jihova, ma aier ta, ‘e ‘on fäega Puk Ha‘a. (Jone 17:3) ‘Inea tē te‘is la pō la hạiasoagan ‘ou lä‘riri‘i la a‘lalan, ‘oris hanisi se Jihova, ma agag se iạ ‘e ‘atakoa ne ‘oris huga, ‘e av ne ‘iris meamea‘ pạu.​—Mataio 21:16.

‘Ö‘ö‘ ma‘oi räe ne ‘oris lä‘riri‘i noh afại se resön luluạk ka ‘es väeag tape‘ma. ‘Ạmis ‘oaf, te‘is, la nāaf puk hete‘, ‘Otou Resön ne Rak Puk Ha‘a. Te‘ ne Resön ‘ös la rak‘ȧk tē, e salat ne vavhiạn pạu. Mạlu ma ‘on fäega ös a‘ti‘ se lä‘riri‘ ne fạu fol se lop. Laloag‘ȧk tape‘ma te ne la rē. ‘Otou Resön ne Rak Puk Ha‘ȧ ‘eake tē mane‘ag het se lä‘riri‘i la manea‘ ma. Iạ ös se ‘äe la hat‘agesea, ma ‘ou lä‘rii‘i, la a‘leleia hạifäegaga.

‘Ạmis ‘ạiröt‘ȧk ne puk te‘is, la hạiasoag a‘ti‘ se ‘äe ‘e ‘ou, la rak‘ȧk se ‘ou lä‘riri‘i, aier fak Puk Ha‘a e av ne ‘iris “mea‘mea‘ pạu.”​—2 Timoti 3:14, 15.

‘Ou Hensạsiga,

Kạugarueag Muạ‘ȧk te ‘on Jihova Uetnes ta

[Mạl tä ‘e rạupeap tä ‘on 3]