Puk Ha‘a parofesại‘ȧk ne ‘e vạhiag ne alag ‘on Jisu, lelea‘ rak‘ȧk tē a‘sioksiko täla fupum ‘e gasav ‘on lelea‘ rot fak Karisto la a‘sesēan aier ne Puk Ha‘a. (Garue 20:29, 30) Tē te‘is sok aier. Iris hạisoligan puer‘ȧk tē ‘on Jisu ma puer‘ȧk tē a‘sioksiok ne rot tūtū, ma tä fupu e rot a‘sioksiko. (2 Timoti 4:3, 4) Ka ‘ạmis aier‘ȧk tapen tē ne ‘ạmis rak ‘e Puk Ha‘a ta aire?

Av heta hele‘uena la Jihova la no‘ạkia aier ta. Iạ ‘ea ne ‘inea tē aier ta täla fuạmamạu ‘e av fakmür ta.’ (Taniela 12:4) ‘E fạu 1870  iris ne aoa aier ta räe ne muạ‘ạkiạg ma‘oi ne rotu, kat fak Puk Ha‘ ra. Ma tä iris kamat la aoa la ‘inea‘ia muạ‘ạkiạg nonoj ne Puk Ha‘a ma Jihova a‘ạlạlum‘ạkia iris la taf‘ia se Puk Ha‘a.

Fā häl huạg aier ne sạkior a‘leleia Puk Ha‘a. Iris fā huạg fe‘en ne hat la lelea‘ Rak Puk Ha‘a ne muam ‘e ‘ạmisa, a‘fūmou‘ȧk se‘ rērē het ne ‘ạmis garue‘ȧk ‘e terạni te ‘i. Iris hạifäegag se resön tūtū ne Puk Ha‘a. Avat ne iris la agtạu ma ut ne pukut ‘e Puk Ha‘a ne iris kat taf ra sin, iris la ao ut ne puk hoi‘ȧk ne sui‘ȧk a‘tafan se irisa. Ma tä iris fȧ‘ sio a‘häe ne iris kạu‘ȧk ka iạ la‘oag ‘esea ma ut ne puk ne tore. Avat ne iris fue‘ la Puk Ha‘a la sui‘ạkia tē ‘i, iris pō hoi‘ȧk aier ta ‘e rēko as ‘on Ạitu ma ‘on Pure‘ag ta, ‘on ‘amnạki se famori ma rȧn te‘, tē ne sok ‘e av ne le‘et ala ma ‘ạiröt‘ạkiạg ne fū hoi‘ȧk ta. ‘Oris ao tē a‘fe‘eni sại‘ȧk iris ‘e puer‘ȧk tē sioksiko.​—Jone 8:31, 32.

‘E fạu 1879, Lelea‘ Rak Puk Ha‘a aier‘ȧk ne av heta hạ‘umea la forȧs‘ạkia aier ta. Ma tä iris kamat la pạnia mekasini ‘e av he ta‘ ka hele‘um se ‘on ‘i‘i, The Watchtower Announcing Jehovah’s Kingdom. ‘E terạni te ‘i ‘ạmis hạiväegan aier ne Puk Ha‘a ma famori ‘e hanuạ 240 ma hạila‘oag ‘e kạinag fäeag 750. Kat ‘es ra ta avat ‘inea tē aier ta fuạmamạu tape‘!

• Ka tes ta sok se aier ne Puk Ha‘a ‘e vạhiag ne alag ‘on Jisu?

• Ka tes ta hạiasoagan ‘ạmis la ‘inea hoi‘ạkia aier ne Fäeag ‘on ‘Ạitu?