VÄEAG 3
Ka Mạuri te Parataisi Mȧür Tapenet?
Jihova na se Atama ma Ive te lelei ma‘oi. Kamataga 1:28
Jihova fup‘ạkia hȧn mumue ta Ive, ma na‘ia iạ se Atama la ‘on hạni.—Kamataga 2:21, 22.
Jihova fup‘ạkia iriạ famör ‘atakoa ruạ ‘e a‘häe ma foro ma kat ‘es agraksa‘at ra.
‘Oria nohoag Parataiạs ta, ta veko te Iteni,—ut a‘helavat ne ma ‘on sạfut, hue ne ‘ại ma mạnmạnu.
Jihova fäeag se iriạ; ma rak‘ȧk tean iriạ. Kepoi ka iria noh a‘fại se ia, ma iriạ la mȧür la hele‘ se av se ‘es a‘ofige ‘e Parataisi te rȧnte‘.
‘Ại ‘atakoa ka ‘ại hu ‘eseat ‘Ạitu ‘ea la se ‘ania. Kamataga 2:16, 17
Jihova kel‘ạkia se Atama ma Ive ‘ại huut ‘e vek ta, ma ‘ea se iria nono ka iriạ la ‘a, ma iriạ la al.
Le‘et ‘e iris ‘agero agạia ‘Ạitu. ‘Ager mam‘as ta‘ag ta Satan ta ka Tiapol ta.
Satan ta kat ‘oaf ra la Atama ma Ive la tovavhiạn se Jihova. Hele‘uen la iạ la a‘esav‘ạkia ‘alet mafue ta la fäeag se Ive, ne kepoi ka iạ la ‘a ‘e hue ne ‘ại hu ta, ma iạ kal al ra, ka iạ la pola fak se ‘Ạitu. Kane te ta‘ag kat aier ra.—Kamataga 3:1-5.
