Vuba Sentare y’i Krasnogvardeyskiy muri Republika ya Crimée izotangaza ingingo yafashe yerekeye umuvukanyi Yuriy Gerashchenko n’umuvukanyi Sergey Parfenovich. Umushingwamanza ntarafata ingingo ijanye n’urubanza yobacira.

Turazi ko Yehova azoguma ashigikira Yuriy na Sergey, cokimwe n’abo bose baguma badahemuka, kuko «[abahisha] mu gitutu c’amababa [yiwe].»​—Zaburi 17:7, 8.

1. Ku wa 19 Nyakanga 2022

   Ni ho Sergey yatangura gukurikiranwa n’amategeko

2. Ku wa 28 Nyakanga 2022

   Igipolisi ca FSB caraje gusaka amazu umunani harimwo n’inzu ya Sergey kandi baciye bamupfunga ivy’agateganyo

3. Ku wa 30 Nyakanga 2022

   Sergey yarungitswe mw’ibohero mu kurindira ko bamucira urubanza

4. Ku wa 15 Munyonyo 2022

   Sergey yararekuwe mw’ibohero yari arimwo maze apfungwa ic’amaso

5. Ku wa 22 Ntwarante 2023

   Yuriy yatanguye gukurikiranwa n’amategeko. Yarafashwe, arasambishwa hanyuma arapfungwa ivy’agateganyo

6. Ku wa 24 Ntwarante 2023

   Yuriy yararekuwe maze apfungwa ic’amaso

7. Ku wa 12 Mukakaro 2023

   Sergey na Yuriy bararekuwe mugabo babuzwa kugira ingendo

8. Ku wa 28 Mukakaro 2023

   Baratanguye kuburana. Umushingwamanza yagirije Sergey na Yuriy ko babandanya «kugira uruhara mu bikorwa bihanwa n’amategeko no kugira iterabwoba ku vyabona.» Naho ata vyemeza vyabonetse, umucamanza yarabapfunze ic’amaso ubugira kabiri