I NEW YORK: Ku wa gatandatu itariki 27 Ruhuhuma, Ivyabona vya Yehova baratanguye kw’isi yose isekeza ryo gutumira abantu ku rubanza babona ko ruhambaye cane mu mwaka. Urwo rubanza ni ukwibuka urupfu rwa Yezu, rukaba ruzoba ku wa 23 Ntwarante. Umuvugizi w’Ivyabona vya Yehova akorera ku cicaro gikuru cabo kiri i New York ari we David Semonian avuga ati: “Kuri uwo musi hazoshikirizwa insiguro yerekana igituma urupfu rwa Yezu rudufitiye akamaro cane muri iki gihe n’ingene rutuma tugira icizigiro naho haciye imyaka nk’ibihumbi bibiri apfuye. Twipfuza ko abantu benshi bashoboka bokwungukira kuri izo mpanuro zishingiye kuri Bibiliya zizotangwa kuri urwo rubanza.”

Mu gihe c’iryo sekeza, Ivyabona bashika imiliyoni umunani bo hirya ho hino kw’isi bazogendera ababanyi babo kugira babatumire kuri urwo rubanza. Mu mwaka uheze, urwo rubanza rwitabwe n’abantu hafi imiliyoni 20.

Uwujejwe amakuru:

David Semonian, wo mu biro bijejwe amakuru, tél. +1 718 560 5000