11 MUNYONYO 2014
UBURUSIYA
Sentare nkuru y’Uburusiya yarasubiye kwumviriza urubanza rw’Ivyabona vya Yehova b’i Samara
Ku wa 8 Gitugutu 2014, ni ho Sentare nkuru yatangura kwumviriza urubanza rujanye no gufuta ishirahamwe ry’Ivyabona vya Yehova b’i Samara. Kuri uwo musi, abamenyeshamakuru, abaserukiye ibihugu vyabo be n’Ivyabona batari bake bari basidukanye n’iyonka. Bari mu kibanza kinini Sentare yari yategekanije. Ariko hamaze kwihwezwa amategeko agenga iburanishwa ry’imanza, Sentare yaciye imenyesha ko urubanza rwungururijwe ku wa 12 Munyonyo 2014.
Vasiliy Kalin, aserukira imbere y’amategeko ishirahamwe ry’Ivyabona vya Yehova mu Burusiya, yavuze ati: “Turizigiye ko Sentare nkuru y’Uburusiya izokwanka ivyasabwe n’umushikirizamanza kugira ikurikize ubutungane kandi yubahirize ibiranga igihugu kiri muri demokrasi nk’uko biri mw’ibwirizwa-shingiro.” Ivyabona vya Yehova barizigiye ko iyo Sentare izokingira umwidegemvyo w’ugusenga nk’uko biri mw’ibwirizwa-shingiro ry’Uburusiya.
Raba kandi
AMAKURU AGEZWEHO
Sentare y’i Taganrog yarakubise intahe mu gahanga Ivyabona vya Yehova ibahora ibikorwa bakora bijanye n’ugusenga
Ukwo gukubitwa intahe mu gahanga kurashobora gutuma Ivyabona vya Yehova barenga 160.000 bo mu Burusiya batakaza umwidegemvyo wabo ujanye no gusenga.
AMAKURU AGEZWEHO
Ya Sentare y’Abanyaburaya ishigikira uburenganzira bw’Ivyabona vya Yehova bo mu Burusiya bwo gukoranira hamwe ku bwo gusenga
Ya Sentare y’Abanyaburaya isubira kuvuga ko Uburusiya bwahonyanze agateka k’Ivyabona vya Yehova, harimwo uburenganzira bafise bwo gusenga mu mutekano ntangere.