JW Library irafise utuntu tugufasha kuyitunganya ku buryo usoma ibirimwo uko uvyipfuza. Iyo uriko urasoma ikigabane canke ikiganiro kanaka, utwo tuntu udusanga hejuru mu mfuruka y’iburyo.

Ehe raba ingene wobigira igihe wipfuza:

•  Guhindura ururimi

•  Guhindura ubunini bw’indome

•  Kwugurura ibiganiro nk’ibisomwa gusa canke biriko n’ibicapo

•  Ouvrir dans . . .

•  Personnaliser

Urashobora guhindura ururimi rw’ikigabane canke ikiganiro uriko urasoma.

• Fyonda ako kamenyetso kariko indome kugira ubone indimi zose ico gisomwa kibonekamwo. Indimi ukunda gukoresha kenshi ni zo ziza imbere y’izindi. Urahabona n’Iminara yo mu nteguro zoroheje. Urashobora no kurondera ururimi wipfuza mu kwandika izina ryarwo.

• Indimi utaravoma usanga ziriko akamenyetso kameze nk’igicu. Fyonda ku rurimi wipfuza kugira uvome igitabu muri urwo rurimi. Umaze kuvoma igitabu, ka kamenyetso kameze nk’igicu gaca kazimangana. Ca usubira ufyonde kuri urwo rurimi kugira ugisome.

Urashobora gutuma indome zingana uko ushaka.

Hari ibiganiro ushobora kwugurura ari ibisomwa gusa canke biriko n’ibicapo. Fyonda akamenyetso kabigenewe kugira ikiganiro cuguruke uko ushaka.

• Biriko n’ibicapo: Ushimye kuvyugurura biriko n’ibicapo, biza bimeze nka kurya biri mu gitabu. Hari abashima gukoresha ubwo buryo nko ku gitabu c’indirimbo kugira babone amanota y’umuziki.

• Nk’ibisomwa gusa: Ushimye ko vyuguruka ari ibisomwa gusa, urashobora gufyonda ku vyanditswe bikuguruka kandi indome zikagira bwa bunini wipfuza.

Uciye ahavuga ngo Ouvrir dans . . . urashobora gusomera mu tundi duporogarama ivyo kuri JW Library.

Igihe ufyonze icanditswe catanzwe, gica cuguruka. Fyonda ahanditse Personnaliser munsi y’aho icanditswe cugurukiye kugira uhitemwo Bibiliya wavomye woshima ko zoza ziruguruka.

Raba ikiganiro kivuga ngo “Ingene wovoma amabibiliya n’ingene woyakoresha​—Android” kugira umenye ingene woronka izindi Bibiliya muri JW Library.