Ubwami bw’Imana buzokora iki?

VUZA

Inyishu Bibiliya itanga

Ubwami bw’Imana buzosubirira intwaro zose z’abantu maze buganze isi yose. (Daniyeli 2:44; Ivyahishuwe 16:14) Ivyo nivyashika, Ubwami bw’Imana . . .

Buzokuraho ababisha, abo ubwikunzi bwabo butugirira nabi twese. “Nayo ababisha, bazokurwaho bave kw’isi.”—Imigani 2:22.
Buzokuraho intambara zose. “[Imana i]hagarika intambara gushika ku mpera y’isi.”—Zaburi 46:9.
Buzozana ugutunganirwa n’umutekano kw’isi. “Abantu bose bazokwibera amahoro mu biti vyabo vy’imizabibu n’imisukoni, kandi nta n’umwe azobatera ubwoba.”—Mika 4:4, Good News Translation.
Buzohindura isi Iparadizo. “Agahinga be n’akarere kagadutse bizokwigina, kandi ikiyaya c’ubugaragwa kizonezerwa, gishurike nk’ishurwe ry’izafarani.”—Yesaya 35:1.
Buzoronsa umuntu wese igikorwa c’ingirakamaro kandi gishimishije. “Abo [Imana y]atoye bazokwinovora bimwe bishitse igikorwa c’amaboko yabo. Ntibazocumukurira ubusa.”—Yesaya 65:21-23.
Buzokuraho indwara. “Nta wuhaba azovuga ngo: ‘Ndarwaye.’”—Yesaya 33:24.
Buzokuraho ubusaza. “Umubiri wiwe nutotahare kurusha mu buto; nasubire mu misi y’ingoga ziwe zo mu buto.”—Yobu 33:25.
Buzotuma abapfuye basubira kuba bazima. “Abari mu mva bose bazokwumva ijwi [rya Yezu bazivemwo].”—Yohani 5:28, 29.

Ibiganiro bifitaniye isano

Bibiliya Ubwami bw’Imana Imibabaro Inyishu z’ibibazo bishingiye kuri Bibiliya

Raba kandi

INYISHU Z’IBIBAZO BISHINGIYE KURI BIBILIYA

Amahoro azoza kw’isi gute?

Numenye ukuntu Imana yasezeranye kuzana amahoro kw’isi biciye ku Bwami bwayo.

IBINDI BIGANIRO

Niwizigire ko kazoza ari keza

Kubera iki ivyo Bibiliya isezerana bitandukanye n’ivyo abantu basezerana hamwe n’ivyo bavuga ko bizoba?

INYIGISHO Z'ISHIMIKIRO ZO MURI BIBILIYA

Ubwami bw’Imana ni iki?

Mu bikorwa Yezu yaranguye kw’isi, yarigishije cane ibijanye n’Ubwami bw’Imana. Haraciye imyaka amajana abantu basenga basaba ko ubwo Bwami buza.

UMUNARA W’INDERETSI

Ubwami bw’Imana buzokora ibiki?

Yezu yari azi ko Ubwami bw’Imana ari yo ntwaro yonyene ishobora gutorera umuti ingorane ziri kw’isi. Ni ibiki ubwo Bwami bumaze gukora bituma tugira icizigiro?